Tallest Statue Of Shivaji Maharaj In Goa
उसगाव: छत्रपती शिवाजी महाराजांचा गोव्यातील सर्वात उंच पुतळा उसगावात उभारण्यात आला आहे. शिवजयंतीच्या निमित्ताने आरोग्य, वन आणि नगरनियोजन मंत्री विश्वजीत राणे यांच्या हस्ते या पुतळ्याचे आज (१९ फेब्रुवारी) अनावरण करण्यात आले. हा पुतळा म्हणजे शिवरायांच्या शौर्याला आदरांजली असल्याचे मंत्री राणे यावेळी म्हणाले.
मंत्री विश्वजीत राणे यांनी यावेळी भावना व्यक्त करताना, "उसगाव येथे उभारण्यात आलेला पुतळा शिवरायांच्या अदम्य भावनेला, न्याय आणि स्वराज्यासाठीच्या बांधिलकीला आमची श्रद्धांजली आहे. शिवरायांचे धैर्य आणि दूरदृष्टी आपल्या लोकांसाठीच्या प्रत्येक उपक्रमाला प्रेरणा देते. पुतळ्याच्या अनावरणासाठी येथील अनेक रहिवासी एकत्र आल्याचे पाहून आनंद वाटतो."
"आपल्या लोकांची सेवा करणे हे शिवाजी महाराजांच्या जीवनातून शिकण्यासारखे सर्वात मोठे मूल्य आहे", असे मंत्री राणे यावेळी म्हणाले.
या पुतळ्याच्या अनावरण सोहळ्याला पर्येच्या आमदार देविया राणे, भाजप प्रदेशाध्यक्ष दामू नाईक, जिल्हा परिषद सदस्य उमाकांत गावडे, राजश्री काळे, सरपंच रामनाथ डांगी यासह विविध मान्यवर आणि मोठ्या संख्येने ग्रामस्थ व शिवभक्त उपस्थित होते. उसगावातील पुतळा राज्यातील युवा पिढीला प्रेरणा देत राहिल, असे मत देविया राणे यांनी यावेळी व्यक्त केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.