जगातील सर्वांत उंच शिखर असलेल्या माऊंट एव्हरेस्टला गवसणी घालणारा पंकज नार्वेकर पहिला गोमंतकीय गिर्यारोहक ठरला. त्याने 21 मे रोजी ऐतिहासिक कामगिरी बजावली.
पंकज 41 वर्षीय असून राज्य सरकारच्या सार्वजनिक बांधकाम खात्यात साहाय्यक अभियंतापदी कार्यरत आहे.
पंजकची 13 वर्षीय मुलगी गुंजन नार्वेकर ही सुद्धा गिर्यारोहक असून गतवर्षी बाप-लेकीने नेपाळमधील एव्हरेस्ट बेस कँप गाठण्याचा पराक्रम साधला होता.
या कँपवर जाणारी सर्वांत युवा गोमंतकीय हा मान गुंजनला मिळाला होता. प्राप्त माहितीनुसार, माऊंट एव्हरेस्ट यापूर्वी एकाही गोमंतकीय गिर्यारोहकाने सर केले नव्हते.
पंकज नार्वेकर एव्हरेस्ट शिखर सर करणारे पहिले गोमन्तकीय ठरल्याने गोव्यासाठी हा अभिमानाचा क्षण आहे! पंकजचे हार्दिक अभिनंदन आणि त्याला उज्ज्वल भविष्यासाठी शुभेच्छा. ही कामगिरी राज्यातील तरुण गिर्यारोहकांना प्रेरणा देईल, अशा शब्दात मुख्यमंत्री सावंत यांनी पंकजला शुभेच्छा दिल्या आहेत.
विरोधी पक्षनेते युरी आलेमाव यांनी देखील पंकजचे अभिनंदन करत, त्याला शुभेच्छा दिल्या. आलेमाव यांनी पंकजला गोवा सरकारने बक्षीस देण्याची गरज असल्याचे म्हणत, त्याला योग्य मान देण्याची मागणी मुख्यमंत्री सावंत यांच्याकडे केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.