गोव्याच्या 12 वर्षीय गिर्यारोहक गुंजनची वर्ल्ड रेकॉर्डला गवसणी घातली आहे. गुंजन पंकज प्रभू नार्वेकरने लडाखच्या मार्का खोऱ्यातील 6000 मीटरवरील तीन शिखरे अवघ्या 62.5 तासांत यशस्वीपणे सर केली आहेत.

गुंजन इयत्ता आठवीत शिक्षण घेते. गुंजनचे (Gunjan Pankaj Prabhu Narvekar) पुढचे लक्ष्य आता माऊंट एव्हरेस्ट असल्याचे तिने म्हटले आहे.

गुंजनने लडाखच्या मार्का खोऱ्यातील माउंट कांग येतसे-II (6250 मीटर), माउंट रेपोनी मल्लारी-I (6097 मीटर 13 मीटर) आणि माउंट रेपोनी मल्लारी-I (6097 मीटर) अशी तीन शिखरे यशस्वीरित्या सर केली आहेत.

6000 मीटर उंचीची पहिले ते तिसरे शिखर गुंजनने 49 तासांत सर केले तर, बेसकॅम्प ते बेसकॅम्प तिने 62.5 तासांत चढून नवा जागतिक विक्रम प्रस्थापित केला आहे.

गुंजनचे जगातील सर्वोच्च शिखर सर करण्याचे ध्येय आहे. "भविष्यात, मी 7000 मीटर शिखर सर करण्याचा विचार करत आहे, परंतु भारतात, 16 वर्षांच्या नसलेल्या व्यक्तीला 7000 मीटर शिखर सर करण्याची परवानगी नाही, त्यामुळे मी भारता बाहेर शिखर सर करणार आहे. माऊंट एव्हरेस्ट आणि अन्नपूर्णा शिखर सर करण्याची माझी इच्छा आहे." असे गुंजन एएनआयशी बोलताना म्हटले आहे.

दरम्यान, गुंजन नार्वेकर हिने जानेवारी 2023 मध्ये लडाखमधील गोठलेल्या जंस्कार नदीवर 'चादर ट्रेक' पूर्ण केला आहे. विक्रमी वेळात हा ट्रेक पूर्ण करणारी गुंजन ही भारतातील सर्वात तरुण मुलगी ठरली आहे. -20° ते -30° तापमानात तीने हा ट्रेक पूर्ण केला आहे होता.