मडगाव: गोव्यातील मराठी रंगभूमीवरील हौशी नाट्य कलाकार आणि सांगे येथील प्रसिद्ध अशा कोसंबे घराण्याचे सुपुत्र एकनाथ कोसंबे (88) यांचे आज सकाळी मडगाव येथे निधन झाले. आज संध्याकाळी मडगाव येथील स्मशानभूमीत त्यांच्यावर अंत्यसंस्कार करण्यात येणार आहेत.

(Goan theater artist Eknath Kosambe passed away)

त्यांच्यामागे जयसंदेश व दयानीधेश असे दोन पुत्र असून त्यापैकी दायानिधेश यांची गणना गोव्यातील प्रख्यात तबलापटू आहेत. एकनाथ कोसंबे यांचा वारसा ते कलेच्या माध्यमातून चालवतायेत.

गोवा सरकारच्या औद्योगिक विकास महामंडळाचे माजी व्यवस्थापकीय संचालक असलेले कोसंबे हे हौशी रंगभूमीवरील नाट्य कलेमुळे सर्वत्र परिचित होते. सांगे येथील शिगमोत्सव आणि रामनाथी येथील शिवरात्री उत्सवादरम्यान होणाऱ्या अनेक नाटकात त्यांनी केलेल्या भूमिका गाजल्या होत्या. त्यांच्या बहुतेक भूमिका संगीत नाटकातील होत्या.