फातोर्डा, मडगाव शहरासह दक्षिण गोव्यातील इतर भागांमध्ये रस्त्यावरील भटक्या कुत्र्यांचा त्रास व्हायला लागला आहे. रस्त्यावर शेकडो कुत्रे भटकताना दिसतात. या कुत्र्यांनी लोकांनाही चावा घेतल्याचे अनेक प्रकार घडले आहेत. शिवाय रहदारीला जास्त करून दुचाकी स्वारांना जास्त त्रास जाणवू लागला आहे. रस्त्याच्या मधोमध कुत्रे आल्याने अनेक दुचाकीस्वार अपघातग्रस्त झाले आहेत. या सर्व प्रकारांची दखल घेऊन जिल्हाधिकाऱ्यांनी कारवाई करावी असे निवेदन गोवाकॅनने दक्षिण गोवा जिल्हाधिकारी अजित रॉय यांना निवदेन सादर केले आहे.

सप्टेंबर महिन्यात जागतिक पर्यावरण दिन व जागतिक रॅबिज दिन साजरा होत आहे. त्यापूर्वी जिल्हाधिकाऱ्यांनी कारवाई करावी असे संस्थेचे समन्वयक रोलांड मार्टिन्स यांनी सादर केलेल्या निवेदनात म्हटले आहे.

कुत्र्यांनी चावा घेतल्याच्या घटना मडगावी व कोलवा, बाणावली सारख्या समुद्र किनाऱ्यांवर घडत आहेत. जिल्हाधिकाऱ्यांनी दक्षिण गोवा जिल्हा इस्पितळ तसेच आरोग्य केंद्राकडून अशा घटनांचा अहवाल मागून घ्यावा अशी विनंतीही निवेदनात करण्यात आली आहे.

निवेदनात जिल्हाधिकाऱ्यांना अनेक सूचना केल्या आहेत. त्यांत पशुसंवर्धन व चिकित्सा खात्याकडून किती शिफारशी आल्या आहेत याची चाचपणी करणे, मिशन रॅबिज संस्थेने पाहणी करून अहवाल तयार करणे, पंचायत क्षेत्रांतील पंचायतीकडून अशा घटनांची आकडेवारी घेणे याचा समावेश आहे.

संपादन हेमा फडते