पेडणे: देवदर्शनासाठी शिर्डीला जात असताना नाईबाग, पेडणे येथील युवक भगवान उत्तम कासकर याचा सातारा येथे झालेल्या भीषण अपघातात दुर्दैवी मृत्यू झाल्याची घटना समोर आलीय. विशेष म्हणजे, हा अपघात त्याच्या वाढदिवसाच्या आदल्या दिवशीच घडला. या घटनेमुळं संपूर्ण गावात हळहळ व्यक्त केली जात आहे.
भगवान कासकर हा शिर्डीला साईबाबांचे दर्शन घेण्यासाठी आपल्या गाडीने निघाला होता. मात्र, नियतीने वेगळाच डाव खेळला. प्रवासादरम्यान, रात्रीच्या सुमारास साताऱ्यात गाडीचा अपघात झाला. अपघात इतका भीषण होता की, त्यात भगवानचा जागीच मृत्यू झाला.
भगवान वाढदिवसानिमित्त शिर्डीला दर्शनासाठी जात होता. परंतु, नियतीला ते मान्य नव्हते. काळाने भगवानला वाढदिवस साजरा करू दिला नाही. त्यापूर्वीच झडप घातली. वाढदिवस साजरा करण्याआधीच काळाने त्याचं आयुष्य हिसकावून नेलं. संपूर्ण कासकर कुटुंबियांवर शोककळा पसरली. या घटनेमुळं सर्वत्र हळहळ व्यक्त करण्यात येत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.