Cylinder Blast: काही दिवसांपूर्वी कारेमड्डी कुडचडे येथील जामा मशिदजवळील एका घरात सिलिंडरचा स्फोट होऊन किचन पूर्णपणे जळाल्याची घटना ताजी असताना अशाच प्रकारची दुसरी घटना वास्को येथे घडलीय.

शनिवारी सकाळी वास्को येथील न्यू वाडे येथे सिलिंडर लिकेज झाल्यामुळे स्फोट झाला असून या घटनेत शिवानी राजावत (२६) आणि त्यांच्या सासू जयदेवी यांचा जागीच मृत्यू झाल्याची धक्कादायक बातमी समोर येतेय. या स्फोटात मृत्युमुखी पडलेल्या शिवानी ह्या गर्भवती असल्याचीही माहिती मिळतेय.

घटनास्थळी पोलीस दाखल झाले असून पंचनामा सुरु असल्याची माहिती मिळाली आहे. राजावत कुटुंबीय न्यू वाडे येथील राष्ट्रोळी जय संतोषी माता मंदिराशेजारी भाड्याच्या जागेत राहत होते. या घटनेवेळी त्या दोघींशिवाय घरात अन्य कुणीही सदस्य नसल्याचेही समजतेय.