Goa Tourist :

पणजी, पर्रा येथील माडांमधून असणारा मार्ग हा राज्याची ओळख दर्शविणारा ठरला आहे. अनेक चित्रपट किंवा जाहिरीतीत या मार्गाचे दर्शन होते.

त्यामुळेच येथे पर्यटक चित्रिकरणाची संधी सोडत नाहीत. परंतु सध्या वादात असलेल्या ‘रेन्ट अ बाईक'वरून फिरणारे पर्यटक वाहतूक नियम धाब्यावर बसवतात, तेव्हा दोष देणार कोणाला? असा प्रश्‍न पडतो.

गोव्यात आल्यानंतर ‘रेन्ट अ बाईक' भाड्याने घेऊन हवे तेथे फिरायचे, असे पर्यटकांचे नियोजन असते. रेन्ट अ कारने मांडवी पुलावर विरुद्ध दिशेने येऊन दुचाकीला धडक दिल्यानंतर उडून दुचाकीस्वार नदीत पडला आणि त्यात त्याचा मृत्यू झाला. या घटनेमुळे रेन्ट अ कार व बाईक,विषयी अनेक प्रश्‍न उपस्थित झाले. ‘रेन्ट अ बाईक'चा बेशिस्त पार्किंगचाही मुद्दा चव्हाट्यावर आला.