उन्हाळा असो वा पावसाळा, पर्यटक समुद्रकिनाऱ्यांपासून ते निसर्गरम्य धबधब्यांपर्यंत हजारो पर्यटक दरवर्षी येथे भेट देत असतात. सध्या पावसाळ्यामुळे धबधब्यांचा निसर्गसौंदर्य पाहण्यासाठी अनेक पर्यटक फिरायला येत असतात.

मात्र, अशा पर्यटनस्थळावरून एक धक्कादायक घटना समोर आली आहे. सोशल मीडियावर एक व्हिडिओ मोठ्या प्रमाणात व्हायरल होत आहे. या व्हिडिओमध्ये एका साधू बाबाला धबधब्यावर आलेल्या पर्यटकांवर दगड फेकताना आणि गाठीने त्यांच्यावर हल्ला करताना स्पष्टपणे पाहायला मिळत आहे. या प्रकारामुळे पर्यटकांमध्ये भीतीचं वातावरण निर्माण झालं आहे

या घटनेत नेमकं काय घडलं आणि हा साधू बाबा कोण आहे, याबाबत अद्याप कोणतीही अधिकृत माहिती मिळालेली नाही. परिणामी, पर्यटनस्थळांवरील सुरक्षिततेचा प्रश्न पुन्हा एकदा ऐरणीवर आला आहे.

पर्यटकांच्या सुरक्षेसाठी पोलिस आणि पर्यटन विभागाने तातडीने याची दखल घ्यावी, अशी मागणी आता होत आहे. खरंच पर्यटकांसाठी अशी ठिकाणं सुरक्षित आहे का? असा प्रश्न अनेकांनी उपस्थित केला आहे.

दरम्यान, व्हिडिओ व्हायरल झाल्यानंतर काही पर्यटकांनी याबाबत चिंता व्यक्त करत सोशल मीडियावर आपल्या प्रतिक्रिया दिल्या आहेत. पर्यटनासाठी येणाऱ्या लोकांमध्ये यामुळे भीतीचं वातावरण पसरलं आहे.