Goa Tourist Season गत 2022-23 या वर्षीचा सागरी पर्यटन हंगाम ‌गोव्यासाठी पर्यटनदृष्ट्या लाभदायी ठरला. या पर्यटन हंगामात एकूण 44 देशी विदेशी पर्यटक जहाजे गोव्यात मुरगाव बंदरात दाखल झाली.

यात विदेशी 14 पर्यटक जहाजे तर 30 देशांतर्गत पर्यटक जहाजे दाखल झाली. यातून 85,622 देशी-विदेशी पर्यटक गोव्यात येऊन गोव्याच्या पर्यटनाचा आस्वाद घेतला.

येत्या 2023-24 या सागरी पर्यटन हंगामात एकूण 50 देशी विदेशी जहाजे गोव्यात दाखल होणार असून यातून १ लाखाहून अधिक पर्यटक गोव्यात येणार आहेत.

यंदाच्या सागरी पर्यटन हंगामाला 22 सप्टेंबर 2023 रोजी ‘कार्डेलिया एम्प्रेस’ या देशांतर्गत पर्यटक जहाजाने सुरुवात होणार असून 21 मे 2024 रोजी ‘सिल्वर मून’ या विदेशी पर्यटक जहाजाद्वारे सांगता होणार असल्याची माहिती जे. एम. बक्षीचे व्यवस्थापक गोविंद पेनूर्लेकर यांनी दिली.

गत वर्षीचा सागरी पर्यटन हंगाम गोव्यासाठी फलदायी ठरला. 30 सप्टेंबर 2022 पासून ‘कार्डेलिया एम्प्रेस’ या देशांतर्गत जहाजाद्वारे पर्यटन हंगामाला सुरुवात झाली.

नंतर या संपूर्ण सागरी पर्यटक हंगामात ‘कार्डेलिया एम्प्रेस’ या जहाजाच्या एकूण 30 फेऱ्या गोव्यात मुरगाव बंदरात झाल्या.

या जहाजांतून ५१,७१० प्रवासी व जहाजातील १७,५२० कर्मचारी वर्ग मिळून ६९,२३० देशी विदेशी पर्यटक गोव्यात दाखल झाले. २०२२-२३ मध्ये देशी पर्यटक जहाजांच्या १४ फेऱ्या झाल्या.

यातून ७२७७ प्रवासी व ५६१५ कर्मचारी मिळून १६,३९२ विदेशी पर्यटकांसह मुरगाव बंदरात ८५, ६२२ पर्यटक आले. हंगाम सांगता २६ मे रोजी ‘नौटीका’ द्वारे झाली.

22 सप्टेंबरपासून हंगाम

यंदाच्या सागरी पर्यटन हंगामाला 22 सप्टेंबर 2023 रोजी ‘कार्डेलिया एम्प्रेस’ या देशांतर्गत पर्यटक जहाजाने सुरुवात होणार असून 21 मे 2024 रोजी ‘सिल्वर मून’ या विदेशी पर्यटक जहाजाद्वारे सांगता होणार असल्याची माहिती जे. एम. बक्षीचे व्यवस्थापक गोविंद पेनूर्लेकर यांनी दिली.

विदेशी पर्यटक जहाजे युरोपीय देशातून दुबई, मस्कत, श्रीलंका, माले असा प्रवास करत भारतात मुंबई, न्यू मंगळुरू, कोची मार्गे प्रवास करून मुरगाव बंदरात दाखल होणार आहेत. सर्व जहाजांच्या आगमन व स्वागताची तयारी चालू आहे.

-गोविंद पेनुर्लेकर, जे. एम. बक्षीचे व्यवस्थापक

ही जहाजे येणार-

सिल्वर मून, सेलेब्रिटी मिलेनियम, मार्च २०२४मध्ये सिल्वर व्हीस्पर, बोरीलस, क्रीस्टल सिंफनी, वीकिंग स्काय, विकींग नेपच्यून, एप्रिलमध्ये सेवन सीज मरीनर, क्रीस्टल सेरेनिटी, मरेल्ला डिस्कवरी-२, असूका II, सेवन सिज नेवीगेटर, तर मेमध्ये सेरेनाडे ऑफ दी सीज, इनसिग्नीया, रिवेरा.