गोवा भारतातील पर्यटकांसाठी महत्वाचे ठिकाण आहे. सध्या गोव्यात पर्यटन हंगाम सुरु आहे. पण याचवेळी एका सोशल मीडिया प्लॅटफॉर्मवर याबाबत गोव्यातील सध्याच्या परिस्थितीवरून चर्चा रंगली आहे.

रेडिट प्लॅटफॉर्मवर एका युजरने मला जो गोवा आवडतो, तसा तो राहिला नाही या मथळ्याखाली एक पोस्ट शेअर केली आहे. त्याचे म्हणणे आहे की मी गोव्याच्या शांत, निसर्गरम्य वातावरणासाठी गोव्यावर प्रेम करत होतो. पण २०१० सालानंतर ही परिस्थिती बदलली.

तो म्हणतोय की आता समुद्रकिनारे गजबजले आहेत. सगळीकडे कचरा, प्लास्टिक, घाण दिसून येत आहे. मोकाट जनावरे सर्वत्र उबग आणत आहेत असे निरीक्षण त्याने नोंदवले. याचवेळी त्याने वाढत्या शॅक्ससंदर्भातही प्रश्न उपस्थित केले आहेत.

पुढे तो महिलांच्या सुरक्षेसंदर्भात बोलतो. तो म्हणतो, महिलांशी आणि त्यातही विशेषत: परदेशी महिलांशी काही लोक गैरवर्तन करतात. यात त्याने शॅक्सवर काम करणाऱ्या परप्रांतीय लोकांवर, त्यांची तपासणी होत नाही या मुद्दयांवर लक्ष वेधले आहे. शेवटी तो म्हणतो कि माझ्या आवड्त्या गोव्याचा ऱ्हास बघणे हृदयद्रावक आहे.

या पोस्टवरती गोव्यातील एका स्थानिक व्यक्तीने तिथे प्रतिक्रिया देताना म्हणाले आहे की आम्ही रोज कोणत्या परिस्थितीला तोंड देतोय हे समजून घ्या. यात खाली एका पर्यटकाने योग्य निरीक्षण अशी प्रतिक्रिया देऊन सगळ्यांनी जबाबदारीने वागले पाहिजे अशी कमेंट केली आहे.