पेडणेतील चोपडे गावात १७ (२) च्या माध्यमातून ३ लाख जमीनीचे (लोकवस्तीच्या १३६ टक्के) रुपांतरण. ह्या सगळ्या जमिनी परप्रांतीय कंपनी मालकांच्या आहेत. कॉंग्रेस प्रदेशाध्यक्ष अमित पाटकरांचा आरोप.

वनमंत्री विश्वजीत राणे आणि मुख्यमंत्री डॉ. प्रमोद सावंत जमीन रुपांतरणावरुन लोकांची दिशाभूल करत आहेत‌. एकामेकांकडे बोटे दाखवत गोवा रिएल इस्टेटच्या घशात घालून गोवेकरांना त्रासात घालण्याचे दोघांचे काम सुरु आहे‌.

सावई वेरे ते वळवई भागातील मांडवी नदीच्या पात्रात महिलेचा मृतदेह तरंगत असल्याची चर्चा. परवा आंबेशी - गांजे पुलावरून नदी पात्रात उडी घेतलेल्या महिलेचा मृतदेह असल्याची शक्यता. अग्निशमन दलाने वळवई फेरी धक्क्यापासून वेरेपर्यंत नदीपात्रात शोध घेतला.

मात्र मृतदेह आढळला नाही. सदर बेपत्ता महिलेचे कुटुंबीयही वळवईत दाखल. संध्याकाळी पुन्हा शोधमोहीम राबवणार अशी अग्निशमन दलातील सूत्रांची माहिती.

केपे सार्वजनिक गणेश उत्सवाच्या निमित्ताने उभारण्यात आलेला एका बाजूचा रस्त्यावरचा मंडप खाली कोसळला, सुदैवाने कोणतीही मोठी हानी नाही.

वाळपई भागात मुसळधार पावसाने हजेरी लावली असून, जनजीवन विस्कळित झाले आहे. पावसाचा चतुर्थी बाजारावर देखील परिणाम झाला आहे.

म्हापसा पोलिसांकडून अहमद देवडीच्या हत्येप्रकरणी नऊ जणांविरुद्ध 647 पानांचे आरोपपत्र न्यायालयात दाखल. याप्रकरणी नऊ आरोपींना अटक करण्यात आली असून ते सध्या न्यायालयीन कोठडीत आहेत.

हळदोणेचे आमदार कार्लुस फेरेरा यांचे अज्ञाताकडून फेक Instagram account तयार. याबाबतची माहिती आमदारांनी आपल्या सोशल मीडिया aacount वरून दिली आहे. या फेक account वरून आलेली request accept करू नका. अज्ञाताविरुद्ध सायबर क्राईम मध्ये गुन्हा नोंद.

सरकारी जमिनी हडप केल्यास खबरदार. मुख्यमंत्री डॉ. प्रमोद सावंत यांचा इशारा. राज्याच्या सर्वांगीण विकासासाठी सरकारी जमिनींवर चांगले प्रकल्प आणण्याचा सरकारचा मानस. जनतेने सहकार्य करण्याचे आवाहन.

शुक्रवारी संध्याकाळी वेळुस पुलावरुन नदीत उडी घेवून आत्महत्या केलेल्या होमगार्ड प्रशांत केरकर (35, नगरगाव, सत्तरी) यांचा मृतदेह दाबोस म्हादई नदीत आढळला. वाळपई अग्निशमन दलातर्फे अथक परिश्रमाने मृतदेह पाण्यातुन काढण्यास यश.