कामुर्ली येथील एका प्राथमिक शाळेत चौथीच्या विद्यार्थ्याला बेदम मारहाण केल्याप्रकरणी कोलवाळ पोलिसांनी दोघा महिला शिक्षिकांविरुध्द केला गुन्हा दाखल. ही घटना काल सोमवारी घडली. वहीची पाने फाडल्याने विद्यार्थ्याला पट्टीने मारहाण केल्याचे समजते.

सध्या सुरु असलेल्या मराठी - कोकणी भाषावाद संबंधी मराठी अकादमीच्या मंडळाकडून मुख्यमंत्र्यांची भेट. राजभाषा कायद्यात यापुढे कसलाच बदल होणार नसल्याचे आश्वासन मुख्यमंत्र्यांनी मराठी अकादमीला दिले असल्याचे अध्यक्ष प्रा. अनिल सामंत यांनी सांगितले.

चतुर्थीपूर्वी सर्व लाभार्थींना त्यांची थकबाकी मिळणार असे आश्वासन मुख्यमंत्र्यांनी केले होते. परंतु DSSS आणि गृह आधार लाभार्थ्यांना फक्त एकाच महिन्याचे देयक मिळाल्याचा मेसेज आला. त्यामुळे भाजप यांचा आणि एक जुमाला समोर आला असल्याचे विरोधी पक्षनेते युरी आलेमाव यांनी आपल्या सोशल मीडियावर ट्विट करून सरकारवर निशाणा साधला

गोवा सरकारने आत्माराम बर्वे यांची (SIC) राज्याचे माहिती आयुक्तपदी निवड करून RTI कायद्याची मोडतोड केली आहे. पक्षाचा कार्यकर्ता ते मुख्यमंत्र्यांचा OSD अशा जबाबदाऱ्या त्यांनी सांभाळल्या आहेत. त्यांची निवड मुख्यमंत्र्यांनी २४ तासात मागे घेण्याची मागणी मुख्यमंत्र्यांना पत्र लिहीत गोवा काँग्रेसचे उपाध्यक्ष सुनील कवठणकर यांनी केली आहे.

अंगणवाडी विध्यार्थ्याना देण्यात येणारे खाद्यपदार्थतील भरलेली पाकीटे पालक फेकतात रस्त्यावर. मुले खात नसल्याच्या तक्रारी. संबंधित खात्याने लक्ष देण्याची मागणी.

मुर्गे-साकोर्डा मुख्य रस्त्यावर झाड पडल्याने रस्ता वाहतुकीस बंद.वाहनचालकांची गैरसोय.अग्नीशामक दलाला पाचारण.

तीन महिन्यांपूर्वी (मे महिन्यात) हॉटमिक्सिंग केलेला सावर्डे मतदारसंघांतील मधलावाडा साकोर्ड्यातील रस्ता रगाडा नदीच्या पुराच्या पाण्यात गेला वाहून. निकृष्ट दर्जाचे हॉटमिक्सिंग झाल्याचा आरोप करत स्थानिकांकडून कंत्राटदाराच्या चौकशीची मागणी.