Goa Traffic Department to Suspend Licenses of Drivers Without Helmets

पणजी: राज्यात रस्ता सुरक्षा सप्ताह सुरू असून वाहनचालकांमध्ये मोटारवाहन नियमांची जागृती करण्याबरोबरच त्याचे उल्लंघन करणाऱ्यांविरोधातही धडक मोहीम सुरू केली आहे.

पणजी वाहतूक पोलिसांनी या सप्ताहामध्ये विनाहेल्मेटप्रकरणी १०० दुचाकीचालकांविरुद्ध दंडात्मक कारवाई केली आहे. त्यांचा चालक परवाना निलंबित करण्याची शिफारस केली जाणार असल्याची माहिती वरिष्ठ पोलिस अधिकाऱ्यांनी दिली.

गेल्या सोमवारपासून राज्यात सुरू असलेल्या रस्ता सुरक्षा सप्ताहानिमित्त पणजी वाहतूक पोलिसांनी शहरातील अनेक ठिकाणी हेल्मेट न वापरणाऱ्यांविरुद्ध दंडात्मक कारवाई करण्याची धडक मोहीम अवलंबिली आहे. शहरातील मोक्याच्या ठिकाणी वाहतूक नियमभंग करणाऱ्यांवर कडक कारवाई केली जात आहे.