Sudin Dhavalikar: राष्ट्रीय ऊर्जा संवर्धन पुरस्कारांमध्ये गोव्याने लहान राज्यांच्या श्रेणीत दुसरे पारितोषिक पटकावले असल्याची माहिती गोव्याचे ऊर्जामंत्री सुदिन ढवळीकर यांनी दिलीय. या श्रेणीत आसाम पहिल्या क्रमांकावर आहे.

स्वस्त दर्जाची वीज, वीज वितरणातील पायाभूत सुधारणा आणि वीज विभागाचे कर्मचारी आणि अधिकाऱ्यांनी केलेल्या प्रयत्नांमुळे आम्हाला हे यश मिळू शकले असल्याचे ढवळीकर म्हणाले.

तसेच ऑन ड्युटी असताना वीज कर्मचाऱ्यांच्या अपघाती मृत्यू प्रकरणांची चौकशी करण्यासाठी उच्चाधिकार समिती स्थापन करण्यात येणार असल्याची माहिती ऊर्जा मंत्री सुदिन ढवळीकर यांनी दिलीय.

या महिन्याभरात हि समिती स्थापन होणार असल्याचे संकेत त्यांनी दिले. तसेच राज्यात सातत्याने होणाऱ्या वीजचोरी बाबतही त्यांनी महत्वाची माहिती दिलीय. वीजचोरी बरोबरच जुन्या तारांमधून 16% वीज गळती होते.

त्यामुळे ट्रान्सफॉर्मरवर दबाव पडत असून इलेक्ट्रिसिटी पॉवरमध्ये चढ-उतार होतो. या सर्व कारणामुळे वीज विभागाला बरेच नुकसान सोसावे लागत असल्याची खंतही त्यांनी बोलून दाखवली.