पणजी : गोवा कर्मचारी भरती आयोगानं (Goa Staff Selection Commission - GSSC) विविध सरकारी विभागांतील ३९० हून अधिक रिक्त पदांसाठी भरती प्रक्रिया सुरू केली आहे. यामध्ये सहाय्यक शिक्षक, पोलीस उपनिरीक्षक (PSI), लिपिक (TA), इंग्रजी शिक्षक आदी विविध पदांचा समावेश आहे. इच्छुक उमेदवारांना २३ मे २०२५ पर्यंत ऑनलाईन अर्ज करता येणार आहेत.

या भरती प्रक्रियेत एकूण ३९० हून अधिक पदांचा समावेश असून त्यामध्ये विविध विभागांमधील रिक्त जागा भरल्या जाणार आहेत.

यामध्ये शिक्षण विभागासाठी ११८ सहाय्यक शिक्षक, पोलीस विभागासाठी १८७ पोलीस उपनिरीक्षक (PSI), प्रशासन व कार्यालयीन कामकाजासाठी ६१ लिपिक (TA) आणि उच्च माध्यमिक शिक्षणासाठी १४ इंग्रजी शिक्षक पदांचा समावेश आहे. ही पदे विविध शासकीय विभागांतर्गत असून गोव्यातील उमेदवारांसाठी ही मोठी संधी आहे.

या भरतीसाठी इच्छुक उमेदवारांनी २३ मे २०२५ पर्यंत आपला अर्ज सादर करणे आवश्यक आहे. अर्ज प्रक्रिया पूर्णपणे ऑनलाईन पद्धतीने करण्यात येणार आहे. अर्ज आणि भरतीसंबंधी संपूर्ण माहिती, अटी व पात्रता निकषांसाठी उमेदवारांनी http://gssc.goa.gov.in या आयोगाच्या अधिकृत संकेतस्थळाला भेट द्यावी.

उमेदवारांनी अधिकृत संकेतस्थळावर जाऊन संपूर्ण जाहिरात, पात्रता निकष, वयोमर्यादा, अर्ज पद्धत आणि परीक्षा पद्धती यासंबंधी माहिती वाचावी. ही भरती गोव्यातील युवकांसाठी एक सुवर्णसंधी असून शासकीय सेवेत नोकरी करण्याची संधी आहे.