वास्को: अनंत विभूषित जगद्गुरु रामानंदाचार्य श्री स्वामी नरेंद्रचार्यजी महाराज दक्षिण पीठ नाणीजधाम उपपीठ गोवा यांच्या भक्तसेवा मंडळातर्फे ओल्ड गोवा येथील गोवा उपपिठावर शिवमंदिरात मंगळवार दिनांक 28 जून 2022 रोजी नवसाची पालखी उत्सव सोहळ्याला भर पावसातही भाविकांची मोठ्या संख्येने उपस्थिती लाभली. (Goa Shiva Temple Palkhi Festival was celebrated with enthusiasm )

दर महिन्याच्या अमावास्येला शिवमंदिरात पालखी परिक्रमा केली जाते. आज साजरा करण्यात आलेल्या नवसाची पालखी उत्सव सोहळ्याचे यजमानपद उत्तर कन्नड जिल्हा ( पूर्व कारवार व पश्चिम जोयडा) लाभले होते. या पालखी सोहळ्याला गोवा सहित, सिंधुदुर्ग जिल्ह्यातील, बेळगांवी, उत्तर कन्नड,जोयडा, कारवार मधिल भाविक भक्त, हितचिंतकांची प्रामुख्याने उपस्थित राहून नवसाच्या पालखीचा मनमुराद आनंद लुटला.

जून महिना म्हटला की धो धो पावसाचे दिवस, परंतु या धो धो पावसालाही न जुमानता हजारों भाविकांनी गोवा उपपिठावर आयोजित नवसाच्या पालखीत समावेश होऊन पालखीत ढोल ताशांच्या गजरात, टाळ दिडीच्या तालावर भाविक भक्त मंत्रमुग्ध होऊन पालखी परिक्रमा आनंद लुटत होते.

मंदिरातील दर्शन सेवेसहीत, पार्किंग, पालखी परिक्रमा, प्रसादाचे वाटप अशी सर्वच सेवा सिंधुदुर्ग जिल्ह्यातील संग्राम सैनिकांनी कशी नियोजन बद्ध करावी हे उत्कृष्टपणे करता येते याची जाणीव करून दिली. आजच्या नवसाच्या पालखी उत्सव सोहळ्याला गोवा, उत्तर कन्नड, पूर्व कारवार, पश्चिम जोयडा, बेळगावी, ग्रामीण बेळगावी, शहर बेळगावीचेही संग्राम सैनिकांनी आपापली सेवा उत्कृष्टपणे बजावली. त्याप्रमाणे नवसाची पालखी सोहळा असल्याने नव - नवीन भाविक, हितचिंतक नवस करण्यासाठी व केलेले नवस श्रींच्या चरणी अर्पण करण्यासाठी पालखीत उपस्थितीत राहून श्रींचे कृपार्शिवाद घेतला.

नवसाच्या पालकी उत्सव सोहळ्याला सकाळी काकड आरतीने सुरुवात‌ करण्यात आली. तद्नंतर होम हवन पूजेचा कार्यक्रम झाला. तसेच प्रत्यक्ष ( 18 ) व अप्रत्यक्ष( 14 ) अभिषेक करण्यात आले. दुपारी व रात्री महानैवेद्याचा कार्यक्रम, संध्याकाळी ठिक 5 वाजता ढोल ताशांच्या गजरात, ताळ मृदुंग ताला सुरात भोलेनाथांची मुर्ती व प.पू. जगद्गुरु नरेंद्राचार्यजी महाराजांची तसबीराची मंदिराच्या परिसरात पालखीतून परिक्रमा काढण्यात येते,यात भक्त, शिष्य, साधक हितचिंतक नाचण्यात मंत्रमुग्ध होऊन आपले पूर्ण देहभान विसरून पालखी परिक्रमा काढण्यात आली आजच्या नवसाच्या पालखी उत्सव सोहळ्याला 1800 ते 2200 हून भाविकांची उपस्थिती लाभली होती.