Goa Shigmotsav 2023: हजारो नागरिकांच्या उपस्थितीत आणि ढोल-ताशांच्या 'घणचे कटर घण'च्या तालावर गावकरवाडा-डिचोली येथील श्री शांतादुर्गा देवस्थानची "घोडेमोडणी' शुक्रवारी (ता. 10) सायंकाळी प्रचंड उत्साहात साजरी करण्यात आली.
सायंकाळी चार घोडेस्वार साजविल्यानंतर गावकरवाडा येथील श्री शांतादुर्गा देवस्थानकडून ढोल-ताशांच्या तालावर "घोडेमोडणी"ला सुरवात झाली.
गाऱ्हाणे घातल्यानंतर ढोल-ताशांच्या ठेक्यावर घोडेस्वारांनी ताल धरला. सुरवातीस आतीलपेठ येथे तीन आणि नंतर गावकरवाडा येथील श्री रवळनाथ मंदिर परिसरात पाच फेरे मारल्यानंतर पारंपरिक पद्धतीने घोडेमोडणीची सांगता झाली.
घोडेमोडणीचा आस्वाद घेण्यासाठी गावकरवाडा ते कायरो हॉस्पिटलपर्यंत नागरिकांनी प्रचंड गर्दी केली होती.
शुक्रवारी पाच ठिकाणी घोडेमोडणी
शुक्रवारी (ता. 10) डिचोली शहरासह सर्वण, मये, कुडचिरे आणि लाडफे मिळून पाच ठिकाणी परंपरेप्रमाणे घोडेमोडणी साजरी होणार आहे.
गावकरवाडा येथील श्री शांतादुर्गा देवस्थान आणि लाडफे येथील श्री सातेरी केळबाई देवस्थानची घोडेमोडणी सायंकाळी तर मये येथील श्री माया केळबाय देवस्थान, कुडचिरे आणि सर्वण येथील श्री कुळमाया सातेरी श्यामपुरुष देवस्थानची घोडेमोडणी रात्री साजरी होणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.