Goa Scholarships For ST Students: गोवा सरकारच्या आदिवासी विकास संचलनालयातर्फे एसटी समुदायातील विद्यार्थ्यांना प्री मॅट्रिक आणि पोस्ट मॅट्रिक स्कॉलरशिप देण्यात येते. या स्कॉलरशिपसाठी अर्ज मागवण्यात आले आहेत.

त्यासाठी नॅशनल स्कॉलरशिप पोर्टल (https://scholarships.gov.in) वर अर्ज करायचा आहे.

या शिष्यवृत्ती केंद्र सरकार पुरस्कृत आहेत. पैकी प्री मॅट्रिक शिष्यवृत्ती नववीच्या विद्यार्थ्यांसाठी आहे. तर पोस्ट मॅट्रिक शिष्यवृत्ती दहावीच्या विद्यार्थ्यांसाठी आहे.

संचलनालयाने या स्कॉलरशिपसाठी अर्जाची मुदत वाढवली आहे. प्री मॅट्रिक आणि पोस्ट मॅट्रिक शिष्यवृत्ती सन 2023-24 साठी हे अर्ज मागवण्यात येत आहेत.

अर्ज सादर करण्याची अंतिम तारीख 31 जानेवारी 2024 अशी आहे. आयएनओ लेव्हल व्हेरिफिकेशनची अंतिम तारीख 15 फेब्रुवारी 2024 आहे. तर डिस्ट्रिक्ट लेव्हल व्हेरिफिकेशनची अंतिम मुदत 1 मार्च 2024 आहे.

नवी दिल्लीतील आदिवासी मंत्रालयाने याबाबत काही निर्णय घेतले आहेत. अर्जासाठी अर्जदार आणि पालकांचेही आधार कार्ड गरजेचे आहे. आधार पेमेंट ब्रिजद्वारे शिष्यवृत्तीची रक्कम बँकेत जमा केली जाईल. त्यासाठी बँक अकाऊंट आधारशी लिंक असणे गरजेचे आहे.