फातोर्डा: मडगाव येथील श्री दामोदर विद्याभुवन येथील श्री दामोदर संगीत विद्यालाने गुरुपौर्णिमेनिमित्त योग व नृत्य कार्यक्रमाचे आयोजन केले. शनिवारी ऑनलाईन (Online) व प्रत्यक्ष रितीने आयोजित केलेल्या कार्क्रमात सकाळच्या सत्रात योग विद्यार्थ्यांनी शिक्षक गौरव व्यास यांच्या मार्गदर्शनाखाली चंद्रनमस्कार प्रात्यक्षिकाद्वारे गुरुला वंदन केले. सर्वांना सुर्यनमस्कार माहित आहे. चंद्रनमस्कार याला सुद्धा अनन्यसाधारण महत्व असल्याचे गौरव व्यास यांनी सांगितले.

या कार्यक्रमात निलय नाईक दलाल, प्रफुल्ल घाडगे, स्विटी घाडगे, ऋथिकियन सपना सारंग, कल्पिता नाईक, गुरुदास कदम, शमा कदम, सुचिता लोलयेकर, शीतर प्रताप ढेरे, जानकी मुळे, आसावरी सत्यजीत, दिपाली डिकॉस्ता, श्वेता नाईक दलाल यांनी भाग घेतला.

संध्याकाळच्या सत्रात नृत्य विद्यार्थ्यांनी त्याना शिकवलेली नृत्ये सादर करतील. अखिल भारतीय गंधर्व महाविद्यालयाची परिक्षा जवळ पोहोचली असल्याने या कार्यक्रमाद्वारे त्यांना सराव करण्याची संधी प्राप्त झाल्याचे व्यास यांनी सांगितले.