राज्यात कोरोना रुग्णांची संथ गतीने का असेना वाढ सुरुच आहे. आज रविवार दिनांक 11 सप्टेंबर रोजी राज्यात 74 बाधित रुग्ण सापडले आहेत. तर 101 जण कोरोनामुक्त झालेत. दिवसभरात 723 संशयितांच्या चाचण्या घेण्यात आल्या. सध्या राज्यात एकूण सक्रिय रुग्णांची संख्या 558 इतकी झाली आहे.

(Goa reports 74 new corona patients and 101 discharge)

आज कोरोनामुळे एकाही रुग्णाचा बळी गेला नसल्याने बळींचा आकडा 3964 कायम आहे. राज्यात आतापर्यंत 2,57,092 नागरिकांना कोरोनाची बाधा झाली असून २,५२,५७० लोक पूर्णपणे बरे झाले. बरे होण्याचे प्रमाण 98.24 टक्के आहे.

राज्यात गेले काही दिवस गणेशोत्सव माहोल असल्याने कोरोनाबाबत तज्ज्ञांनी काही वाढ होणार का ? अशी शंका व्यक केली होती. मात्र तसे काहीही झालेले नाही. राज्यातील कोरोना फैलावाची स्थिती जैसे थे आहे. असे असले तरी राज्यातील नागरिकांनी सार्वजनिक ठिकाणी अथवा सामुदायिकरित्या एकत्र येताना काळजी घेणे आवश्यक आहे.