गोव्यात मागील तीन दिवसांपासून कोरोना रूग्ण दगावत आहेत. आज सलग तिसऱ्या दिवशी एका कोरोना रूग्णाचा मृत्यू झाला आहे. तीन दिवसांत तीन रूग्णांचा मृत्यू झाला आहे. आज दिवसभरात 136 नव्या कोरोना बाधित रूग्णांची नोंद झाली असून, 172 कोरोनामुक्तांना डिस्चार्ज देण्यात आला आहे.

आरोग्य विभागाने प्रसिद्ध केलेल्या आकडेवारीनुसार, गोव्यात आजवर 2 लाख 55 हजार 825 जणांना कोरोनाची बाधा झाली आहे. त्यापैकी 2 लाख 50 हजार 919 जणांना डिस्चार्ज देण्यात आला आहे. गोव्याचा रिकव्हरी रेट 98.08 टक्के एवढा झाला आहे. सध्या गोव्यात 946 सक्रिय कोरोना रूग्ण आहेत.

शनिवारी दिवसभरात गोव्यात 1,114 प्रयोगशाळा नमुने तपासण्यात आले. आज एक रूग्ण नव्याने रूग्णालयात दाखल करण्यात आला तर, रूग्णालयात दखल असलेला एका रूग्णाला डिस्चार्ज देण्यात आला. दरम्यान, गणेशोत्सवाच्या तोंडावर गोव्यात कोरोना रूग्णांची संख्या काहीसी वाढताना दिसत आहे, तसेच मागील तीन दिवसांपासून रूग्ण देखील दगावत आहेत. त्यामुळे सार्वजनिक गणेशोत्सवात नागरिकांनी अधिक सतर्क राहणे आवश्यक आहे.