Goa Unemployment Rate: गोव्यातील बेरोजगारीचा दर वाढला असल्याचे चिन्ह आहे. राज्यातील बेरोजगारीचा दर राष्ट्रीय सरासरीपेक्षा अधिक आहे. सेंटर फॉर मॉनिटरिंग ऑफ इंडियन इकॉनॉमी (CMIE) देशातील विविध राज्यांचा बेरोजगारी दर जाहीर केला आहे. अहवालात 27 राज्यांची यादी जाहीर करण्यात आली आहे. या यादीत गोवा 'टॉप टेन'मध्ये आहे.

(Goa Top's in Unemployment Rate In India)

CMIE च्या अहवालानुसार, गोव्यात (Goa) बेरोजगारीचा दर 11.1 टक्के आहे. देशातील 27 राज्यांच्या यादीत गोवा नवव्या क्रमांकावर आहे. एवढेच नव्हे तर राज्याचा बेरोजगारी दर राष्ट्रीय सरासरीपेक्षा अधिक आहे. देशातील शहरी बेरोजगारी दर 8 टक्के आहे तर, ग्रामीण भागातील बेरोजगारी दर 7.4 टक्के आहे.

याशिवाय, हरियाणा, हिमाचल प्रदेश आणि राजस्थानमध्ये गोव्यापेक्षा बेरोजगारीचा दर गोव्यापेक्षा अधिक आहे. तसेच, गोवा शेजारील महाराष्ट्र आणि कर्नाटक राज्यात देखील बेरोजगारी दर गोवापेक्षा कमी आहे. जानेवारी 2023 च्या तुलनेत फेब्रुवारीमध्ये सुधारणा झाल्याचे CMIE च्या अहवालात म्हटले आहे.

कोणत्या राज्यात किती बेरोजगारीचा दर ?

हरियाणा 29.4, राजस्थान 28.3, सिक्किम 21, झारखंड 16.8, हिमाचल प्रदेश 13.9, त्रिपुरा 11.7, बिहार 12.3, दिल्ली 8.6, आसाम 8.6, तेलंगणा 5.8, पंजाब 8.2, केरळ 5.6, महाराष्ट्र 5.6 असे राज्यातील बेरोजगारी दर आहेत.

दरम्यान, राज्यात विविध विकासकामे होत असताना बेरोजगारीचा वाढता दर चिंताजनक आहे. विरोधकांनी राज्यातील बेरोजगारी बाबत सरकारावर वारंवार टीका केली आहे.