Goa: जनसंघाचे संस्थापक सदस्य विचारवंत पं. दीनदयाळ उपाध्याय (Pt. Deendayal Upadhyay Anniversary) यांचे देशासाठी मोठे योगदान आहे. त्यांच्यामुळेच भाजप मजबूत आहे. असे उद्गार मयेचे आमदार प्रवीण झांट्ये (MLA Pravin Zantye) यांनी काढले. प्रत्येकांनी त्यांचा आदर्श जोपासावा, असे आवाहनही त्यांनी केले. पं. दीनदयाळ उपाध्याय यांच्या जयंती दिनानिमित्त मये भाजप मंडळाकडून डिचोलीत (Bicholim BJP) आयोजित कार्यक्रमात आमदार झांट्ये बोलत होते.

यावेळी जिल्हा पंचायत सदस्य शंकर चोडणकर, मये भाजप मंडळाचे अध्यक्ष दयानंद कारबोटकर, मयेचे उपसरपंच कृष्णा परब, पंच ऊर्वी मसुरकर, केतन मयेकर आदी उपस्थित होते. आमदार श्री. झांट्ये यांनी पं. दीनदयाळ यांच्या फोटोस पुष्पहार अर्पण करून त्यांना आदरांजली वाहिली. शंकर चोडणकर यांनीही पं. दीनदयाळ यांच्या कार्यावर प्रकाश टाकला. यावेळी उपस्थितांनी पं. दीनदयाळ यांना अभिवादन केले.