Margao: गोव्याचे माजी पर्यटनमंत्री (Former Tourism Minister) आणि नुवेचे माजी आमदार (Nuvem Former MLA) मिकी पाशेको (Mickey Pacheco) यांनी आज नवी दिल्लीत काँग्रेस पक्षात (Congress Party) प्रवेश केला. गोव्यात भाजपला (Goa BJP) हरवायचे असेल तर काँग्रेस हा एकमेव पर्याय आहे. त्यामुळे काँग्रेस बळकट करण्यासाठी आपण काँग्रेस पक्षात प्रवेश केला आहे. इतरांनीही काँग्रेस पक्षात प्रवेश करून काँग्रेस अधिक बळकट करावी असे आवाहन त्यांनी यावेळी केले. गोव्याचे प्रभारी दिनेश गुंडू राव (Congress Goa In charge Dinesh Gundu Rao) यांच्या उपस्थितीत आज त्यांनी काँग्रेस पक्षात प्रवेश केला. आपला प्रवेश बिनशर्त आहे. आणि अजून मी कोणत्याही मतदारसंघावर दावा केलेला नाही असे पाशेको यांनी सांगितले. (Goa Politics)

युगोडेपा, नंतर भाजप, राष्ट्रवादी, गोवा विकास पार्टी, गोवा सुराज पार्टी अशा चार पक्षातून आता पर्यंत प्रवास केलेल्या पाशेको यांनी आता काँग्रेस पक्षात प्रवेश केला आहे. याबद्दल बोलताना पाशेको म्हणाले, गोव्यात काँग्रेसचे सरकार असताना सर्व लोकांना समान न्याय होता आणि सगळे सुखात होते. मात्र भाजपची सत्ता आल्यावर राज्यात दडपशाही सुरू केली. त्यामुळे काँग्रेसला परत सत्तेवर आणणे गरजेचे बनले असून काँग्रेस समोर इतर पक्ष फिके असल्याचे ते म्हणाले.