मडगाव Goa Politics : राष्ट्रवादीचे (NCP) बाणावलीचे आमदार चर्चिल आलेमाव (Churchill Alemao) यांचा राष्ट्रवादी सोडण्याचा निर्णय नक्की झाला असून आज त्यांनी आपली कन्या वालांका आलेमाव हिच्यासह कोलकाता गाठून तृणमुलच्या (TMC) अध्यक्ष ममता बॅनर्जी यांची भेट घेतली.

ममता बॅनर्जी यांची मी भेट घेतली असून आमची प्रदीर्घ चर्चा झाली,असे चर्चिल आलेमाव यांनी 'गोमंतक'ला सांगितले. तृणमुल मध्ये कधी सामील होणार असे विचारले असता 1 डिसेंबरला मी गोव्यात पोहोचणार आहे. त्यानंतरच मी माझा निर्णय जाहीर करू असे त्यांनी सांगितले.

मिळत असलेल्या माहितीनुसार तृणमुलने चर्चिल आलेमाव यांना बाणावलीत आणि त्यांची कन्या वालांका हिला नावेलीत उमेदवारी देण्याचे नक्की केले आहे. चर्चिल बरोबर आणखीन काही त्यांचे समर्थक तृणमुलमध्ये प्रवेश करणार अशी माहिती प्राप्त झाली आहे.