Goa Police Drone Security: गोव्यात सुरू असलेल्या जी-20 बैठकीसाठी गोवा पोलिसांकडून हायटेक सुरक्षाव्यवस्थेचा वापर केला जात आहे. या बैठकीच्या पार्श्वभुमीवर गोवा पोलिसांनी ड्रोन तैनात केले आहेत.
बैठकीच्या संपुर्ण परिसरात ड्रोनद्वारे लक्ष ठेवले जात आहे. या अॅडव्हान्स्ड ड्रोन्सद्वारे गोव्याच्या किनाऱ्यांवरही देखरेख केली जात आहे.
ड्रोनद्वारे सर्व सुरक्षाव्यवस्थेचे नियंत्रण केले जात आहे. लोकांच्या सुरक्षितता करण्याच्या क्रमात आम्ही पुढचा टप्पा गाठला आहे, आम्ही आमची क्षमता अधिक वाढवली आहे, असे ट्विट पोलिसांनी केले आहे.
या ट्विटसोबत एक व्हिडिओही पोलिसांनी ट्विट केला आहे. त्यामध्ये ड्रोनद्वारे पोलिस एखाद्या भागावर कशाप्रकारे नियंत्रण ठेवत आहेत, ते दिसून येते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.