एस्कॉर्ट सर्व्हिसच्या नावाखाली वेश्या रॅकेट चालवणाऱ्या टोळीचा पर्दाफाश करुन चार जणांच्या मुसक्या आवळण्यात गोवा पोलिसांना यश आले होते. यातच आता, या प्रकरणात गोवा पोलिसांच्या गुन्हे शाखेने तीन टॅक्सी चालकांना समन्स बजावून ताब्यात घेतले. हे तीन्ही टॅक्सी चालक उत्तर गोव्यातील आहेत.

इमाम सुतार, उमेश बागली आणि झीशान अली शेख अशी समन्स बजावण्यात आलेल्या टॅक्सीचालकांची नावे आहेत. बेकायदेशीर कृत्यांमधील त्यांच्या सहभागाविषयी गुन्हे शाखेकडून चौकशी सुरु आहे. गोव्यात चालणाऱ्या वेश्याव्यवसायातील आरोपींशी या तिघांचा संबंध असल्याचे समोर आले आहे.

यापूर्वी 4 आरोपींना अटक केली

दरम्यान, एस्कॉर्ट सर्व्हिसच्या नावाखाली वेश्या रॅकेट चालवणाऱ्या चार आरोपींना (Accused) यापूर्वी पोलिसांनी अटक केलीय. 1) सय्यद उस्मान, 54, चित्तूर, आंध्र प्रदेश, 2) मोहम्मद मोहब्बुल्ला, वय 30, गुडगाव, 3) योगेश कुमार, वय 42 वर्षे मूळ गाझियाबाद. उत्तर प्रदेश, 4) सुभाष प्रधान, मूळ ओडिशा अशी अटक करण्यात आलेल्या आरोपींची नावे आहेत. माहिती तंत्रज्ञान (IT) कायद्याच्या कलम 67 आणि 67-A अंतर्गत या चौघांविरोधात गुन्ह्याची नोंद केली आहे.

योगेशने वेबसाईट तयार केली होती

मिळालेल्या माहितीनुसार, योगेशच या रॅकेटचा मास्टरमांइड होता. त्यानेच deepikaverma.com नावाची वेबसाईट बनवली होती. घटनास्थळावरुन पोलिसांनी योगेशकडील सीपीयू जप्त केला होता.

या प्रकरणाशी संबंधित असलेल्या सुमारे 78 अश्‍लिल एस्कॉर्ट सर्व्हिस संकेतस्थळे ब्लॉक करण्यात आल्याची माहिती यापूर्वी क्राईम ब्रँचचे पोलिस अधीक्षक राहुल गुप्ता यांनी दिली होती. हे संशयित एस्कॉर्ट सर्व्हिस संकेतस्थळावर महिलांची (Women) अश्‍लिल छायाचित्रे प्रसिद्ध करुन गोव्यात एस्कॉर्ट सेवेची माहिती देत असत. त्यानंतर ते ग्राहक आणि दलाल यांच्या संपर्क साधायचे. दरम्यान, डीवायएसपी राजेश कुमार आणि एसपी क्राईम राहुल गुप्ता यांच्या देखरेखीखाली पीआय दत्ताराम राऊत यांच्या मार्गदर्शनाखाली प्रकरणाचा पुढील तपास सुरु आहे.