Goa: हरमल (Arambol) येथे आज (22 सप्टेंबर ) पेडणे पोलिसांनी भीम बलबहादूर या नेपाळी युवकाने (Nepali resident) 40 हजार किमतीचा अमली पदार्थ (Drugs) बाळगल्याप्रकरणी अटक केली. एका रेस्टरंटवर छापा टाकला आणि आंतरराष्ट्रीय बाजारपेठेत 40 हजार किमत असलेला ड्रग्स (Drugs of Rs 40 Thousand) जप्त केला.

पोलीस निरीक्षक जीवबा दळवी यांना पॅराईड्स केबिन (Pyarids Cabin Restaurant) रेस्टॉरंट आणि हॉटेल खालचावाडा हरमल मध्ये ड्रग्ज ऍक्टिव्हिटीची माहिती मिळाली. त्यानुसार पीआय दळवी स्वतः पीएसआय प्रफुल्ल गिरी, एलपीएसआय सुमेधा नाईक पीएसआय हरीश वैगुणकर, पीसी दयेश खांडेपार, पीसी विष्णू गड, पीसी भास्कर चारी यांच्यासह पोलिसांनी गुप्तपणे छापा टाकला, त्या ठिकाणी मादक द्रव्ये सापडली. आंतरराष्ट्रीय बाजारात त्याची किंमत 40 हजार आहे.

संशयित भीम बलबहादूर सौद, हा टेकापूर नेपाळ येथील रहिवासी आहे. त्याच्यावर पेडणे पोलिसांनी एन डी पी एस (N.D.P.S.) चा गुन्हा U/s 20 (b) (ii) A नोंदवून अनधिकृतपणे स्वतःच्या ताब्यात ठेवण्यासाठीचा कायदा, 1985, चरस म्हणून ओळखले जाणारे मादक पदार्थ जप्त करून आरोपीला अटक करण्यात आली आणि सध्या आरोपी पोलीस कोठडीत आहे. एसडीपीओ श्री गजानंद प्रभुदेसाई आणि एसपी उत्तर श्री शोबित सक्सेना आयपीएस यांच्या देखरेखीखाली पुढील तपास सुरू आहे