डिचोली: वाहतूक चलनाची अफरातफर केल्याप्रकरणी महिला पोलिस कॉन्स्टेबल पूजा गावस हिला निलंबित करण्यात आले आहे. १७.३० लाख रुपयांचा हा गैरव्यवहार असल्याचे उघडकीस आले आहे. डिचोली पोलिस स्थानकात हा प्रकार घडला.
मिळालेल्या माहितीनुसार, डिचोली परिसरात वाहतूक नियमांचे उल्लंघन केल्याप्रकरणी पोलिसांनी अनेकांना चलनाद्वारे दंड ठोठावला. दंडातून गोळा झालेली रक्कम वाहतूक मुख्यालयात जमा होते.
यानंतर संबधित पोलिस स्थानकात तैनात असलेल्या कॉन्स्टेबलकडे सुपूर्द केली जाते. दरम्यान, यानंतर ही रक्कम बँकेत जमा केली जाते पण, पूजा गावस या कॉन्स्टेबलने मिळालेल्या रक्कमेतील अर्धीच रक्कम बँकेत जमी केल्याचे आढळून आले आहे.
डिचोली वाहतूक खात्याने जारी केलेले चलन आणि जमा झालेली रक्कम यात तफावत आढळून आली. त्यानंतर आर्थिक अफरातफर झाल्याचे उघडकीस आले आहे.
पोलिसांनी केलेल्या चौकशीत कॉन्स्टेबल पूजा गावसने गुन्हा मान्य केला असून, सर्व रक्कम परत करण्याचे आश्वासन दिले आहे. दरम्यान, दोषी आढळलेल्या कॉन्स्टेबल पूजा गावसला निलंबित करण्यात आले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.