Goa Crime News

पर्वरी: सायंकाळच्या वेळी वॉकसाठी बाहेर पडलेल्या मुलीचा विनयभंग केल्याप्रकरणी संशयित आरोपीला पाच महिन्यानंतर अटक करण्यात आलीय.

पर्वरी पोलिसांनी तब्बल 50 CCTV फूटेज तपासून संशयित आरोपीचा शोध घेतला. आरोपीला पाच दिवसांची पोलिस कोठडी सुनावण्यात आली आहे. फेब्रुवारी २०२४ मध्ये याप्रकरणी तक्रार नोंद करण्यात आलीय.

रीवन मिरांडा (२१, रा. सूकूर) असे अटक करण्यात आलेल्या आरोपीचे नाव आहे.

पोलिसांकडून मिळालेल्या माहितीनुसार, फेब्रुवारी २०२४ मध्ये सायंकाळी वॉकसाठी बाहेर पडलेल्या मुलीचा विनयभंग केल्याप्रकरणी पर्वरी पोलिसांत तक्रार नोंद करण्यात आली होती. गुन्हा सार्वजनिक ठिकाणी घडला असला तरी संशयिताचे तोंड झाकले असल्याने त्याचा शोध घेण्यात अडचणी येत होत्या.

घटना घडलेल्या परिसरातील जवळपास ५० सीसीटीव्ही कॅमेरे तपासून पोलिसांनी संशयिताने घातलेल्या कपड्यांची माहिती नोंद केली.

कपड्यांच्या माहितीच्या आधारे पोलिसांनी शोध सुरु केला असता संशयित रीवन मिरांडा याला अटक करण्यात यश आले. पर्वरी पोलिसांनी संशयिताला न्यायालयासमोर हजर केले असता त्याला पाच दिवसांची पोलिस कोठडी सुनाविण्यात आली आहे.

रात्रीच्या वेळेस सार्वजनिक रस्त्यावर घटना घडली असली तरी संशयिताचा चेहरा दिसत नसल्याने त्याचा शोध घेण्यात अडचण येत होती. अखेर पोलिसांनी ५० सीसीटीव्ही कॅमेरे आणि कपड्यांच्या विश्लेषण करुन संशयिताचा शोध घेतला.