Goa Crime: राज्यात सध्या गुन्हेगारीच्या घटनांना ऊत आला असून नुकतीच एक धक्कादायक बातमी हाती येतेय. एका अल्पवयीन मुलाने अल्पवयीन मुलीवर बलात्कार केल्याची घटना समोर आलीय.

पीडित मुलगी गर्भवती असल्याचे निदान झाल्याने हा गुन्हा उघड झाल्याचे बोलले जातेय. या घटनेप्रकरणी पणजी पोलिसांनी एफआयआर नोंदवला असून सदर अल्पवयीन मुलाला बाल न्याय मंडळासमोर हजर केले असल्याची प्राथमिक माहिती मिळाली आहे.

घटनेसंबंधी सावितर माहिती अद्याप हाती आली नाही.

धक्कादायक म्हणजे महाराष्ट्रातील एका 30 वर्षीय महिला पर्यटकावर बुधवारी रात्री गोव्यातील मोरजी येथील हॉटेलमध्ये बलात्कार झाल्याची घटना घडली होती.

हॉटेलच्या रूममध्ये त्या महिलेशिवाय कुणी नसल्याचे पाहून एका अज्ञात व्यक्तीने थेट रूममध्ये प्रवेश करून तिच्यावर बलात्कार केल्याचे उघड झाले होते.

वारंवार घडणाऱ्या या प्रकारामुळे राज्यात महिला, तरुणी सुरक्षित नसल्याचे बोलले जातेय.