37th National Games: गोव्यातील नियोजित 37 व्या राष्ट्रीय क्रीडा स्पर्धा आयोजन समितीच्या कारभारावर तीव्र टीका करून गुजरात ऑलिंपिक संघटनेने स्पर्धा लांबणीवर टाकण्याची मागणी केल्यानंतर गुरुवारी त्याचे राज्यात तीव्र पडसाद उमटले.
क्रीडामंत्री गोविंद गावडे यांना स्पर्धेची तयारी पाहण्यासाठी प्रत्यक्ष ‘मैदानावर’ उतरावे लागले. स्पर्धेनिमित्त सध्या तयारी अंतिम टप्प्यात असून खेळाडूही मेहनत घेत आहेत. त्यामुळे स्पर्धा ठरल्यानुसारच घेऊन काही राज्य क्रीडा संघटनांनी स्पर्धा लांबणीवर टाकण्यास विरोध दर्शविला.
तथापि, आज (गुरुवारी) सायंकाळी उशिरापर्यंत पंतप्रधान नरेंद्र मोदी यांच्या गोवा दौऱ्याबाबत पंतप्रधान कार्यालयाकडून काहीही कळवण्यात आलेले नव्हते.
यासंदर्भात मुख्यमंत्री आणि क्रीडामंत्री शुक्रवारी पत्रकार परिषद घेणार आहेत. भारतीय वेटलिफ्टिंग महासंघाचे संयुक्त सचिव आणि गोवा ऑलिंपिक संघटनेचे उपाध्यक्ष जयेश नाईक यांनी सांगितले की, ‘‘राष्ट्रीय स्पर्धेची तयारी आता अंतिम टप्प्यात आहे. अशावेळी स्पर्धा लांबणीवर टाकणे योग्य होणार नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.