Goa-Mumbai Vande Bharat: गोव्यातील पहिल्याच मडगाव-मुंबई या वंदे भारत एक्सप्रेसचे उद्घाटन पंतप्रधान नरेंद्र मोदींच्या हस्ते होणार आहे. या दोन ठिकाणांदरम्यान धावणारी ही पहिलीच हायस्पीड ट्रेन आहे.

शनिवार (ता. 3 जून) पासून धावणार आहे. या ट्रेनचे उद्घाटन पंतप्रधान नरेंद्र मोदी व्हिडीओ कॉन्फरन्सिंगद्वारे करणार आहेत.

उद्घाटनानंतर 5 जूनपासून ही गाडी प्रवाशांच्या नियमित सेवेसाठी दाखल होणार आहे. मंगळवार वगळता आठवड्यातून सहा दिवस वंदे भारत ट्रेन धावणार असल्याची माहिती रेल्वे अधिकाऱ्यांनी दिली आहे.

ट्रेनची वेळ

छत्रपती शिवाजी टर्मिनस येथून सकाळी 5.35 वाजता ट्रेन सुटेल. ठाणे 6.05, नवेल 6.40, खेड 8.40, रत्नागिरी 10.00 तर मडगावात दुपारी 1.25 वाजता ही ट्रेन पोहचेल.

मडगाव येथून वंदे भारत दुपारी 2.35 वाजता सुटेल. परतीच्या प्रवासात रत्नागिरीतील तिची वेळ 5.35 आहे. छत्रपती शिवाजी टर्मिनसला ही गाडी रात्री 10.35 वाजता पोहोचेल.

मंगळवार वगळता सर्व दिवस ही एक्सप्रेस धावणार आहे.

तिकिट दर?

मुंबई ते गोवा दरम्यान धावणाऱ्या वंदे भारत ट्रेनचे तिकीट सर्वसामान्य प्रवाशांचा आवाक्याच्या बाहेरचे आहेत. या गाडीचे चेअर कारचे तिकीट 1580 रुपये आणि एक्झिक्युटिव्ह चेअर कारचे तिकीट 2870 रुपये आहे. प्रवाशांच्या प्रतिसादानुसार यात बदल होण्याची शक्यता आहे.

16 मे रोजी झाली होती चाचणी...

16 मे रोजी सीएसएमटी-मडगांव दरम्यान वंदे भारत ट्रेनची चाचणी घेण्यात आली. यशस्वी चाचणी आणि महत्त्वाच्या तांत्रिक बाबी तपासणीनंतर अखेर शनिवार 3 जून रोजी मुंबई-गोवा वंदे भारत एक्सप्रेस प्रत्यक्ष रुळांवर धावण्यासाठी सज्ज झाली आहे.

दरम्यान, महाराष्ट्रात सध्या चार वंदे भारत एक्सप्रेस धावत आहेत. महाराष्ट्रासाठी ही पाचवी वंदे भारत ट्रेन असणार आहे.