Goa Monsoon Updates: जून महिना उजाडला तरी गोव्यात उन्हाच्या झळा कमी होण्याचे नाव घेत नाहीत. मॉन्सूनच्या प्रतीक्षेत असलेल्या भारतीय उपखंडातील अरबी समुद्रात निर्माण झालेल्या कमी दाबाच्या पट्ट्यामुळे आज (सोमवार 5 जून) रोजी दक्षिणपूर्व अरबी समुद्रावर चक्रीवादळ निर्माण होण्याची शक्यता हवामान खात्याच्या वेधशाळेने वर्तवली आहे.

हवामान खात्याच्या अंदाजानुसार, या चक्रीवादळाच्या प्रभावामुळे पुढील 48 तासांत त्याच प्रदेशात कमी दाबाचे क्षेत्र तयार होणार आहे. मध्य अरबी समुद्र आणि लक्षद्वीप बेटांच्या क्षेत्रामध्ये दक्षिणेला लागून असलेल्या तीव्रतेपासून अत्यंत तीव्र संप्रेषणासह तुटलेले कमी आणि मध्यम ढग पसरलेले आहेत. पुढील 120 तासांमध्ये हे चक्रीवादळाची घोंघावणार आहे.

पाऊस लांबणार..?

हवामान खात्याने मॉन्सून 4 जून रोजी केरळात दाखल होईल, अशी शक्यता यापूर्वी व्यक्त केली होती. मात्र, अरबी समुद्रात आणि बंगालच्या उपसागरात निर्माण झालेल्या कमी दाबाच्या पट्ट्यामुळे अरबी समुद्रात चक्रीवादळसदृश स्थिती निर्माण झाली आहे.

याचा परिणाम मॉन्सूनच्या केरळमधील आगमनावर होणार असून त्यानंतरच पुढील वाटचाल निश्चित होईल, अशी शक्यता हवामान खात्याने व्यक्त केली आहे. त्यामुळे मॉॅन्सून काही दिवस लांबू शकतो.