Goa Monsoon 2023: गोव्यात मागील दोन दिवसांपासून पावासाचा जोर ओसरला आहे. गुरूवारसाठी (दि.13) राज्यात गोवा हवामान खात्याने ऑरेन्ज अलर्ट जारी केला असून, आज मुसळधार पावासाची शक्यता वर्तवण्यात आली आहे.

तसेच, पुढील चार दिवस राज्यात विविध ठिकाणी मुसळधार पावसाची शक्यता हवामान खात्याने व्यक्त केली आहे.

हवामान खात्याने प्रसिद्ध केलेल्या माहितीनुसार, राज्यात आज दोन्ही जिल्ह्यात काही ठिकाणी मध्यम ते मुसळधार पावासाची शक्यता आहे. यातकाळात 40 ते 50 किमी वेगाने वारे वाहतील.

तसेच, 14 आणि 17 जुलै रोजी दोन्ही जिल्ह्यात तुरळक ठिकाणी मुसळधार सरी बरसतील असा अंदाज गोवा हवामान खात्याने व्यक्त केला आहे.

दरम्यान, मागील दोन ते तीन दिवसांपासून राज्यात पावसाने उसंत घेतली आहे. जुलैच्या पहिल्या आठवड्यात राज्यात मुसळधार पाऊस पडला. जूनच्या तीस दिवसांत पडला नाही तेवढा पाऊस जुलैच्या आठ दिवसांत पडला. याकाळात राज्यात पाऊस आणि वादळी वाऱ्यामुळे पडझड होण्यासाठी, पाणी साचणे आणि विविध दुर्घटना घडल्या.

त्यानंतर पावासाने थोडी उसंत घेतली आहे. गोवा हवामान खात्याने आज ऑरेन्ज अलर्ट तर येत्या चार दिवसांसाठी मुसळधार पावसाचा इशारा दिला आहे.