पणजी: गोवा सरकारने (Goa Govt.) महिलांच्या विकासासाठी अनेक योजना सुरु केल्या आहेत. उद्योजकता क्षेत्रात अनेक संधी निर्माण केल्या आहेत. या संधीचा लाभ घेऊन मोठ्या प्रमाणात महिलांनी उद्योजक व्हावे व इतर महिलांसमोर आदर्श उभे करावेत. असे आवाहन कौशल्य व उद्योजकता खात्याचे मंत्री विश्‍वजित राणे (Minister Vishwajit Rane) यांनी आज केले. ताळगाव येथील सभागृहात आज महिलांसाठी आयोजित 'उडाण' (Udaan) या कार्यक्रमात राणे बोलत होते. यावेळी कौशल्य व उद्योजकता मंत्रालयाचे सचिव चोखाराम गर्ग, संचालक दिपक देसाई, सहाय्यक संचालक राजेश लोललेयकर व विनायक कांबळी व्यसपिठावर उपस्थित होते.

सध्याच्या कळात महिला कुठल्याच क्षेत्रात मागे नाहीत. महिलांच्या कामाची व्याप्ती वाढलेली आहे. गोव्यातील महिलांच्या विकासासाठी कौशल्य उद्योजकता मंत्रालयाने विविध उपक्रम राबवले. त्याचा परिणाम दिसून येत असून महिला मोठ्या प्रमाणात स्वयंरोजगार निर्माण करून स्वतः उद्योजक होत आहेत. ही सकारात्मक बाब असल्याचे सांगून महिलांच्या विकासासाठी आपले महिला व बाल कल्याण तसेच कौशल्य उद्योग खाती सदैव कटीबध्द राहणार असल्याचे राणे म्हणाले. राज्यातील आयटीआयमध्ये नव नव्या कौशल्यपूर्ण अभ्यासक्रमांचा समावेश करण्यात आलेला असून त्याचा लाभ युवक व युवतींनी घ्यावा. असे आवाहन करुन कोविड काळात महिला कोविड योध्यांचे काम वाखाणण्याजोगे होते. असे राणे म्हणाले.

या कार्यक्रमात मंत्री राणे यांच्या हस्ते उद्योजक झालेल्या समिता साखळकर, सारीका परब आदी महिलांचा गौरव करण्यात आला .तसेच काही महिला कोविड योध्यांचाही यावेळी गौरव करण्यात आला. दिवसभराच्या या 'उडाण' कार्यक्रमात महिलांत उद्योजकतेसाठी विश्‍वास निर्माण व्हावा यासाठी चर्चासत्र, उद्योजकता व स्वयंरोजगार मार्गदर्शन, योजनांची माहिती व कार्यशाळा यांचे आयोजन करण्यात आले. पूनम सिरसाट, तुशार सावंत, दलीप परब यांनी यांनी महिल उद्योजकतेवर मार्गदर्शन केले.