Goa: पर्यटन स्थळ म्हणून देश-विदेशात प्रसिद्धीस पावलेल्या मये तलावाचे आता भाग्य उजळणार आहे. जवळपास आठ वर्षांच्या कालखंडानंतर उत्तर गोव्यातील ‘पर्यटन स्थळ दर्शन’ सफर अंतर्गत शनिवारी पर्यटक या तलावाला भेट देऊन पर्यटनाचा आनंद लुटणार आहेत. पर्यटन विकास महामंडळातर्फे या पर्यटन सफरीचे आयोजन करण्यात आले आहे.
एक काळ असा होता, की मये तलाव म्हणजे देशी-विदेशी पर्यटकांचे आकर्षण ठरले होते. मात्र, तलावाचा हवा तसा विकास झाला नसल्याने या तलावाकडे पर्यटकांनी पाठ फिरवली होती.
सात वर्षांपूर्वी मयेचे तत्कालीन आमदार स्व. अनंत शेट यांच्या प्रयत्नातून तलावाच्या विकसित कामाचा प्रस्ताव मार्गी लागला. पर्यटन विकास महामंडळाकडून या तलावाचा विकास करण्यात आला आहे.
गतवैभव प्राप्त होणार
विकासकामानिमित्त गेल्या सहा-सात वर्षांपासून मये तलाव पर्यटनासाठी बंद होता. आता या तलावात बोटिंग सुविधाही सुरु झाली आहे. दोन वर्षांपूर्वी या तलावस्थळी पर्यटकांना आकर्षित करणारी ‘बंजी जंपिंग’ सुविधा उपलब्ध करण्यात आली आहे. आठ वर्षांनंतर पर्यटन विकास महामंडळाच्या पुढाकारातून पर्यटक येत असल्याने, आता या तलावाला गतवैभव प्राप्त होण्याचे संकेत मिळत आहेत.
आमदारांकडून होणार स्वागत
म्हापसा रेसिडेन्सी येथून सकाळी या पर्यटन सफरीला प्रारंभ होणार असून पर्यटक वाहनाचे दुपारी मये तलावस्थळी आगमन होणार आहे. यावेळी मयेचे आमदार प्रेमेंद्र शेट या पर्यटकांचे स्वागत करणार आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.