Goa News: फातोर्डा येथील दामबाब लिंग मंदिरा जवळ फातोर्डा रहिवाशांनी काल सोमवारी वर्षपद्धतीप्रमाणे दीपोत्सव साजरा केला. यावेळी आमदार विजय सरदेसाई यांनी दामबाब तळ्याचे सुशोभीकरण होऊन ती लोकांना अर्पित झाली तर या ठिकाणी गंगा आरतीच्या धर्तीवर दीपोत्सव साजरा केला जाईल, असे आश्वासन दिले.

या तळ्याशी लोकांच्या भावना गुंतलेल्या आहेत. त्याची कदर करून गोवा सरकारने या तळीची दुरुस्ती आणि सुधारणा घडवून आणावी, असे सरदेसाई म्हणाले. या उत्सवात लोकांबरोबर विजय सरदेसाई आणि फातोर्डा फॉरवर्ड नगरसेवकांनी भाग घेतला होता.

सरदेसाई यांनी 2017 साली येथील दामबाबांच्या तळ्यातील गाळ उपसला होता. या तळीचे सुशोभितीकरण करून ती लोकांसाठी खुली करण्याची त्यावेळी योजना आखली होती. पण जमीन मालकाने त्याला परवानगी न दिल्याने हे काम होऊ शकले नाही.मंदार सावर्डेकर म्हणाले, 10 वर्षापूर्वी सरदेसाई यांच्या पुढाकारातून हा दीपोत्सव सुरू झाला.