Goa University: गोवा विद्यापीठाच्या आंतरमहाविद्यालयीन खो खो स्पर्धेत कुंकळ्ळीच्या सीईएस महाविद्यालयाने पुरुष तर केपे सरकारी महाविद्यालयाने महिला गटात विजेतेपद मिळविले. स्पर्धा ताळगाव पठारावरील गोवा विद्यापीठ मैदानावर झाली.

सीईएस महाविद्यालयाचा संकेत वेळीप पुरुष विभागात, तर केपे महाविद्यालयाची अंकिता वेळीप महिला विभागात सर्वोत्तम खेळाडू ठरली.

पुरुष गटातील अंतिम लढतीत सीईएस महाविद्यालयाने केपे सरकारी महाविद्यालयाला ४८-३४ फरकाने नमविले. महिला गटात केपे महाविद्यालयाने विजेतेपद पटकावताना काणकोणच्या श्री मल्लिकार्जुन आणि श्री चेतन मंजू देसाई महाविद्यालयास ३४-१८ फरकाने हरविले.

स्पर्धेत पुरुषांच १२, तर महिलांत ११ महाविद्यालयीन संघ सहभागी झाले होते. बक्षीस वितरण गोवा क्रीडा प्राधिकरणाचे खो खो प्रशिक्षक कायतान क्लेमेंत, राजन मॅथ्यू, भालचंद्र जदार यांच्या उपस्थितीत झाले.

विजयी संघ

महिला: केपे सरकारी महाविद्यालय: छाया पाटील, अंकिता गावकर, अंकिता वेळीप, शेजल वेळीप, कृती गावकर, श्वेता गावकर, प्रतीक्षा वेळीप, नागेश्वरी शिंदेकर, सिया नाईक, शिवानी वाडेकर, प्रतीक्षा गावकर, ग्लिफा पिशोट.

महिला: सीईएस महाविद्यालय: अनीश गावकर, राहुल गावकर, संकेत वेळीप, विकी वेळीप, तेजस यमकर, कंदेश वेळीप, प्रणय गावकर, निखिल वेळीप, साहील वेळीप, रुपेश यमकर, रोहन गावकर, अक्षय वेळीप, प्रणय वेळीप, कविश कुरईकर, नरेंद्र गावकर.