Candolim Murder Case: संशयित आरोपी सूचना सेठ ही कालपर्यंत हॉटेलमधील क्राईम सीन रीक्रिएट तयार करण्याकरिता तयार नव्हती.

मात्र आज म्हणजेच 12 जानेवारीला सूचनाने सीन रीक्रिएट तयार करण्याकरिता सहमती दर्शवली असून कळंगुट पोलीस तिला घेऊन हॉटेलकडे रवाना झाले असल्याची माहिती मिळाली आहे.

कळंगुट पोलीस स्टेशन मधून आज म्हणजेच शुक्रवारी (12 जानेवारीला) संध्याकाळी 4.15च्या दरम्यान पोलीस सूचनेला घेऊन त्या हॉटेलकडे रवाना झाले आहेत.

सिकिरी हॉटेलमध्ये घडलेल्या चार वर्षीय मुलाच्या या खून प्रकरणात रोज नवीन अपडेट समोर येत आहेत. संशयित आई सूचना सेठला अटक केल्यानंतर तिला म्हापसा न्यायालयाने सहा दिवसांची पोलीस कोठडी सुनावली आहे.

काल म्हणजेच गुरुवारी (11 जानेवारीला) पोलिसांना पंचनाम्यावेळी आयलायनरमध्ये टिशू पेपरवर 5-6 ओळींमध्ये इंग्लिशमधून लिहिलेली एक नोट सापडली होती.

तो पेपर फाटलेला आणि चुरगळलेल्या अवस्थेत असल्याने पोलिसांनी तो फॉरेन्सिक लॅब कडे पाठवला होता.

त्या नोटवरील मजकुरावरून ती मानसिकदृष्ट्या खचलेली असल्याचे समजत होते. तसेच कालपर्यंत सूचना पोलीस तपासात सहकार्य करत नसल्याचे पोलिसांचे म्हणणे होते.

आज सकाळपासून पोलीस तिला गुन्हा घडलेल्या ठिकाणी म्हणजेच हॉटेलमध्ये सीन रीक्रिएट करण्यासाठी तयार करत होते.

मात्र सूचना तपासासाठी सहकार्य करत नव्हती. परंतु संध्याकाळी सूचना सीन रीक्रिएट करण्यासाठी तयार झाल्याने पोलीस तिला घेऊन हॉटेलकडे रवाना झाले आहेत.