आय-लीग फुटबॉल स्पर्धेत धेंम्पो स्पोर्ट्स क्लबने पाच सामन्यांनंतर शानदार विजय मिळवला. त्यांनी दिल्ली एफसीचा 1-0 अशा फरकाने धुव्वा उडवला. 83व्या मिनिटाला बदली खेळाडू नेस्टर डायसने निर्णायक गोल केला.

शॅक संघटनेला विश्वासात घेऊन धोरणाची निर्मिती. यावर्षी वेळेच्या आधी सर्वांना शॅक देण्यात आले. आता ही त्यांची जबाबदारी आहे की, त्यांनी शॅक व्यवस्थित चालवावे. जे शॅक व्यावसायिक बेकायदेशीर धंदा करताहेत त्यांच्यावर कारवाई करण्याचे आदेश खात्याच्या अधिकाऱ्यांना दिले असल्याचे पर्यटनमंत्री रोहन खंवटे यांनी सांगितले.

पर्वरी पोलिसांनी दुचाकी चोरट्यांच्या चार जणांच्या टोळीचा पर्दाफाश केला. पोलिसांनी या चोरट्यांकडून चार दुचाकी जप्त केल्या. या टोळीतील ललित वायंगणकर याच्यासह एका 17 वर्षीय अल्पवयीन मुलास अटक करण्यात आली. अल्पवयीन संशयिताचा मयडे येथील मंदिरातील चोरीमध्ये हात होता.

अल्पवयीन मुलीचे अपहरण आणि लैंगिक अत्याचार केल्याप्रकरणी डिचोली पोलिसांनी एकाला अटक केली आहे. अटक करण्यात आलेला आरोपी तामिळनाडूचा आहे.

सात दिवसांनंतर आज सकाळी आमठाणे धरणाचे दरवाजे उघडण्यात आले. बार्देश तालुक्यात संध्याकाळपर्यंत पाणी सोडले जाईल, असे मुख्यमंत्री प्रमोद सावंत यांनी सांगितले. दरवाजे उघडण्यास विलंब करणाऱ्या डब्ल्यूआरडी अभियंत्यांवर कारवाई केली जाईल, असंही त्यांनी सांगितलं.

पेडा खारेबांद येथे मोकळ्या जागेत कचरा टाकताना स्थानिकांनी मडगाव महानगरपालिकेचा ट्रक पकडला.

दहावीच्या विद्यार्थ्याला स्टीलच्या पट्टीने मारहाण केल्याप्रकरणी म्हापसा पोलिसांनी एका शिक्षिके विरुद्ध गुन्हा नोंद केला. विद्यार्थ्याने पिण्याच्या पाण्यासाठी आग्रह धरल्यामुळे मारहाण केली होती.

मौनी अमावस्येला दुसरं अमृत स्नान असल्याने यासाठी मोठ्या संख्येने भाविक जमले होते. यामुळे बुधवारी सकाळी संगम इथं चेंगराचेंगरीसारखी परिस्थिती निर्माण झाली होती. चेंगराचेंगरीमध्ये काही भाविकांचा मृत्यू झाल्याची भीती व्यक्त करण्यात येत आहे. मोठ्या प्रमाणात भाविक जखमी देखील झाले आहेत. 

बार्देशला पाच दिवसांनी उद्या पाणी मिळणार आहे. आमठाणे धरणाचा दरवाजा उघडण्यात जलसंपदा खात्याला यश आलंय. अस्नोडा जलशुद्धीकरण प्रकल्पात दुपारपर्यंत पुरेसे पाणी पोचणार.