पोलिस महासंचालकांनी घेतलेल्या पत्रकार परिषदेत कुठेच 'क्लीन चीट' हा शब्द वापरलेला नाही. 'कॅश फॉर जॉब' प्रकरण संदर्भात पोलिस तपास सुरू तसेच कारवाई देखील होणार : मुख्यमंत्री डॉ प्रमोद सावंत

कॅश फॉर जॉब प्रकरणी संदीप परबला न्यायालयाने 14 दिवसांची न्यायालयीन कोठडी सुनावली.

नाकातून मेंदूची शस्त्रक्रिया करण्याची सुविधा पुढील वर्षापासून गोमेकॉत सुरु होणार. गोमंतकीयांना 10 लाखांपर्यंतच्या ब्रेन ट्यूमरच्या शस्त्रक्रिया मोफत मिळणार : गोमेकॉ डीन डॉ. शिवानंद बांदेकर

माशेल येथे एका महिलेच्या गळ्यातील मंगळसुत्र अज्ञात चोरट्याने हिसकावले. चोरट्याने दुचाकी घेऊन पळ काढला. या महिलेचे एकूण 1 लाख 40 हजारचे नुकसान झाले आहे आणि म्हार्दोळ पोलिसांत तक्रार दाखल करण्यात आली आहे.

सांगे येथील नागरिकांनी बिरसा मुंडाच्या रॅलीला एका हजाराहून जास्त लोकांनी उपस्थिती दर्शवून रॅलीचा उत्साह मोठ्या प्रमाणात वाढवला आहे. महिलांनी देखील मोठ्या संख्येत उपस्थिती लावली आहे.

गोवा सहकार क्षेत्रात देण्यात येणाऱ्या पुरस्कारांची घोषणा. डॉ. दत्ताराम भास्कर देसाई यांना गोवा सहकार भूषण तर प्रतिमा धोंड यांना सहकार श्री पुरस्कार जाहीर. सहकार रत्न पुरस्काराला एकही नाव न आल्याने सहकार रत्न पुरस्कार यंदा दिला जाणार नाही. तसेच गौरी शिरवईकर आणि गोविंद नाईक यांना व्यक्तिगत पुरस्कार जाहीर झाला आहे.

पंतप्रधान कार्यालयात (PMO) सुरक्षा प्रभारी असल्याच्या आरोपावरून शिरंग मनेश जावळ याच्याविरुद्ध कळंगुट पोलीस ठाण्यात पोलीस तक्रार दाखल करण्यात आली आहे. त्याच्यावर गोव्यातील टॅक्सी चालकांची खोटी बतावणी करून फसवणूक केल्याचा आरोप असून पुढील तपास सुरु आहे.

गोवा मेडिकल कॉलेजमधल्या फिजिओथेरपीच्या जागांमध्ये वाढ करण्याचा निर्णय घेण्यात आला आहे आणि यानुसार आता फिजिओथेरपीच्या जागांमध्ये 100 टक्के वाढ करण्यात आली आहे.

नेस्ले कंपनीजवळ रात्री 12:30 वाजताच्या सुमारास एक दुचाकी व कंटेनर यांचा अपघात झाला. या अपघातात दुचाकीवर पाठीमागे बसलेला युवराज पाटील याच्या दोन्ही पायाला गंभीर जखम झाल्याने त्याला उपजिल्हा हॉस्पिटलमध्ये दाखल करण्यात आले आहे.

फोंडा पोलिसांनी गुरुवारी (15 नोव्हेंबर) रोजी उसगाव-तिस्क इथे झालेल्या बाल-विवाहामधून अल्पवयीन मुलीची सुटका केली. या प्रकरणामध्ये मुलीच्या वडिलांसह इतर चार जणांचा समावेश आहे.