बीच शॅकमधील कर्मचाऱ्याचा मोबाईल चोरी करुन फरार होण्याच्या तयारीत असणाऱ्या व्यक्तीला कळंगुट पोलिसांनी अटक केलीय. रोहित सुद्रोधर (रा. त्रिपुरा) असे अटक करण्यात आलेल्या आरोपीचे नाव आहे.

धारगळ येथे टेम्पो आणि कार यांच्यात अपघात झाल्याचे वृत्त समोर आले आणि या अपघातात कार चालक किरकोळ जखमी झाला आहे.

योगेश शेटकर याच्याविरुद्ध मडगाव पोलीस ठाण्यात फसवणूक केल्याप्रकरणी तक्रार दाखल करण्यात आली आहे. तक्रारदाराचा आरोप आहे की योगेशने १,०५,००० रुपये गुंतवणूक म्हणून घेतले होते आणि मुद्दल परतफेड करण्याचे आश्वासन दिले होते.

प्रयागराज येथे होणाऱ्या महाकुंभ 2025 साठी उत्तर प्रदेशचे मुख्यमंत्री यांच्या मार्फत गोव्याचे मुख्यमंत्री डॉ. प्रमोद सावंत यांना योगी सरकारमधील कॅबिनेट मंत्री दारासिंग चौव्हाण आणि राज्यमंत्री रामकेश निषद यांनी निमंत्रण दिले.

खनिज वाहतूकीबाबत 'वेदांता' ने सरकारला विकत घेतलंय, पिळगावच्या शेतकऱ्यांचा आरोप. पुढील परिणामांना तोंड देण्याची तयारी ठेवण्याचा इशारा.

नगरपालिकेच्या मुख्याधिकारी व सभापतींच्या उपस्थितीत गुरुवारी (दि. १२ डिसेंबर) रोजी सांगे नगरपालिकेने टाऊन हॉल नगरपालिकेची इमारत पाडण्यास सुरुवात केली.

143 होमगार्ड पदांसाठी पहिल्या दिवशी बुधवारी 7 हजारांहून अधिक अर्ज आले तसेच आज सलग दुसऱ्या दिवशीही आल्तिनो येथे उमेदवारांची गर्दी पाहायला मिळाली.

मोपा विमानतळ पोलिसांनी ई-सिगारेट बाळगल्याप्रकरणी प्रवाशांविरुद्ध एफआयआर नोंदवल्या आहेत. पहिल्या घटनेत गुजरातमधील एका महिलेचा समावेश आहे तर दुसऱ्या घटनेत लंडनला जाणाऱ्या ब्रिटनच्या नागरिकाचा समावेश आहे.

माझी पत्नी राजकारणात आहे पण कोणत्याही प्रशासकीय कामात सहभागी नाही. ज्यांनी तिच्यावर सरकारी नोकरी प्रकरणाबाबत बिनबुडाचे आरोप केले आहेत, त्यांना कायदेशीर कारवाईला सामोरे जावे लागेल. त्यांच्याविरुद्ध मानहानीचा खटला दाखल करण्याची प्रक्रिया आम्ही आधीच सुरू केली आहे: मुख्यमंत्री सावंत