कळंगुट वाहतूक पोलीस निरीक्षक सचिन नार्वेकर यांच्या मार्गदर्शनाखाली बागा येथे वाहतूक नियमांचे उल्लंघन करणाऱ्यांवर कारवाई करण्यात आली.

वायंगिणी-मये येथील प्रस्तावीत रेल्वेस्थानकाचा निर्णय स्वागतार्ह. मयेवासियांचा रेल्वेस्थानकाला पाठिंबा असल्याचा आमदार प्रेमेंद्र शेट यांनी केलं स्पष्ट.

रेशनचा माल आता नागरी पुरवठा विभागाच्या गोदामांमधून थेट सोसायट्यांमध्ये जाईल. पूर्वी सोसायटीवाल्यांना विभागाच्या गोदामांमधून रेशनचा माल घ्यावा लागत होता. तात्काळ रेशन माल सोसायट्यांमध्ये आणि पर्यायाने लोकांपर्यंत पोचावा यासाठी ही पद्धत लागू करण्यात आल्याची माहिती मंत्री रवी नाईक यांनी दिली.

वीज खांबावर अडकवून ठेवलेल्या बेकायदा केबल्स वीज खात्याच्या कर्मचाऱ्यांनी कार्यकारी अभियंता काशिनाथ शेट्ये यांच्या उपस्थितीत कापल्या.

मोडिफाइड सायलेन्सरमुळे होणाऱ्या ध्वनी प्रदूषणाविरुद्धच्या मोहिमेत, पीएसआय सचिन शिरोडकर यांच्या नेतृत्वाखालील पर्वरी पोलीस ठाण्याच्या पथकानं गुरुवारी रात्री मॉडिफाइड सायलेन्सरसह आणखी दोन मोटारसायकली जप्त केल्या आहेत.

धर्मवीर ज्वालेचे शिवप्रेमीतर्फे स्वागत. वूढू-बुद्रुक (पुणे) येथून छत्रपती संभाजी महाराज समाधी स्थळावरून धर्मवीर ज्वालेचे डिचोलीत आगमन.

अटल सेतूवर अपघात झाल्याने मोठी वाहतूक कोंडी झाली आहे. वाहतूक पोलिस घटनास्थळी दाखल झाले असून, वाहतूक कोंडी दूर करण्याचा प्रयत्न करतायेत.

I-Phone च्या वस्तूंची बेकायदेशीर विक्री करणाऱ्या दुकानावर गुन्हे शाखेच्या पोलिसांनी आयफोन अधिकाऱ्यांच्या समवेत छापा टाकला. गुन्हे शाखेने अवैध पद्धतीने सुरु असलेली विक्री बंद पाडत वस्तू जप्त केल्या आहेत.

वार्का येथे पार्क केलेली कार फोडून दोन लाख रुपयांची चोरी झाल्याची घटना घडकीस आली आहे. वाहनाच्या मालकाने याप्रकरणी कोलवा पोलिस स्थानकात तक्रार दाखल केल्यानंतर याप्रकरणी गुन्हा नोंद करण्यात आला आहे. कारमधून दोन लॅपटॉप आणि इतर साहित्य चोरी झाल्याचे तक्रारीत नमूद करण्यात आले आहे.