संत फ्रान्सिस झेवियर यांच्यावर सुभाष वेलिंगकर यांनी केलेल्या अपमानास्पद टिप्पणीच्या निषेधार्थ रस्ता खोळंबवल्या प्रकरणी मिकी पाशेको आणि इतर दोघांवर फातोर्डा पोलिसांनी आरोपपत्र दाखल केले. मंत्री ॲलेक्स सिक्वेरा यांच्या सांगण्यावरून चुकीच्या पद्धतीने या प्रकरणात अडकवण्यात आल्याचा मिकीचा आरोप आहे.

पर्ये सत्तरी येथील भुमिका साखळेश्वर देवस्थान संदर्भात गावकर समाजातील लोकांनी मुख्यमंत्री डॉ. प्रमोद सावंत यांची पुन्हा भेट घेतली. उपजिल्हाधिकाऱ्यांकडे पुन्हा चर्चा करणार असल्याचे मुख्यमंत्र्यांनी आश्वासन दिले असल्याचे गावकर समाजाची माहिती .

पिळगाव स्थानिकांनी रात्रीची खनिज वाहतूक अडवल्यानंतर डिचोली ट्रकमालक संघटनेने मुख्यमंत्री डॉ. प्रमोद सावंत यांची भेट घेतली. रात्रीची वाहतूक करणे आम्हालाही पटत नाही, खाण खात्याने दिवसा वाहतुकीची वेळ वाढवून देण्याचे निवेदन ट्रकमालकांनी मुख्यमंत्र्यांना दिले.

पर्ये सत्तरी येथील भूमिका साखळेश्वर देवस्थान संदर्भात गावकर समाजातील लोकांनी मुख्यमंत्री डॉ. प्रमोद सावंत यांची पुन्हा भेट घेतली. उपजिल्हाधिकाऱ्यांकडे पुन्हा चर्चा करणार असल्याचे मुख्यमंत्र्यांनी आश्वासन दिले असल्याचे गावकर समाजाची माहिती.

कोकण रेल्वे पोलिसांना मडगाव रेल्वे स्थानकावर केरळमधील त्रिशूर येथील तीन अल्पवयीन मुलं सापडली. हि मुलं २ जानेवारी रोजी बेपत्ता झाल्याची तक्रार नोंदवण्यात आली होती.

तर खाणीसाठी आम्हीही रस्त्यावर उतरणार. वेळप्रसंगी मुख्यमंत्र्यांसह राज्यपालांना भेटणार. 'वेदांता'च्या कामगारांचा निर्धार. खनिज वाहतुकीला विरोध करणाऱ्यांचा केला निषेध.

उत्तर गोव्यातील मनोहर आंतराष्ट्रीय विमानतळावर गेल्या वर्षाच्या तुलनेत पर्यटनाच्या संख्येत वाढ झाली आहे, २०२३च्या तुलनेत २७ टक्के प्रवासी वाढले आहेत.

गेल्या ४५ दिवसांपासून जुन्या गोव्यात संत फ्रान्सिस झेवियर यांच्या पवित्र अवशेषांचा प्रदर्शन सोहळा सुरु होता, आज त्याचा अंतिम दिवस आहे.