पणजी: दाबोळी व मोपा विमानतळावर २४ तास पॅकबंद मद्याच्या बाटल्यांची किरकोळ विक्री सुरू करण्यास दुकानाला परवानगी देण्यास गोवा मद्य व्यापारी संघटनेने विरोध केला आहे.

मोपा विमानतळावर मुंबईतील एका मद्य व्यापाऱ्याला गोवा सरकारकडून परवाना दिला जाणार असल्याची माहिती संघटनेला मिळाली आहे. त्याला परवाना दिल्यास गोव्यातील मद्य व्यापाऱ्यांवर अन्याय होणार आहे व त्याचा वाईट परिणाम व्यवसायावरही होणार आहे.

यापूर्वीही दाबोळी विमानतळावर किरकोळ मद्य विक्रीच्या दुकानाला परवाने दिल्यावर मोठे नुकसान सोसावे लागले होते. तेव्हा माजी मुख्यमंत्री मनोहर पर्रीकर यांनी या विमानतळावर दिलेला परवानाच रद्द केला होता, अशी माहिती संघटनेच्या एका पदाधिकाऱ्याने दिली.