Goa Rain Alert

पणजी: पावसाळा संपून एक महिना उलटला तरी आता डिसेंबरमध्ये देखील गोव्यात पावसाची शक्यता हवामान खात्याने वर्तवली आहे. डिसेंबरच्या पहिल्या चार दिवशी दोन्ही जिल्ह्यात हलक्या ते मध्यम स्वरुपाच्या पावसाची शक्यता आहे. गोवा हवामान खात्याच्या वेधशाळाने (Goa IMD) याबाबत अंदाज व्यक्त केला आहे.

हवामान खात्याने प्रसिद्ध केलेल्या प्रसिद्धी पत्रकानुसार डिसेंबर १ ते ३ या काळात राज्यातील हवामान कोरडे राहणार आहे. तर ४, ५ आणि ६ डिसेंबर रोजी राज्यातील दोन्ही जिल्ह्यात हलक्या ते मध्यम स्वरुपाच्या पावासाची शक्यता व्यक्त करण्यात आली आहे.

गेल्या काही दिवसांपासून राज्यातील हवामान कोरडे आहे. नोव्हेंबरच्या सुरुवातीला तुरळक ठिकाणी हलक्या स्वरुपाच्या पावसाची नोंद झाली. दरम्यान, ३० नोव्हेंबर ते ३ डिसेंबर या काळात राज्यातील हवामान कोरडे राहणार आहे.

गोवा हवामान खात्याच्या वेधशाळेने वर्तवलेल्या अंदाजानुसार ४ ते ६ डिसेंबर या काळात तुरळक ठिकाणी हलक्या मध्यम स्वरुपाच्या पावसाची शक्यत आहे. राज्यात सध्या सकाळच्या सत्रात जाणवणारी हलकी थंडी वगळता दिवसभर उकाड्याने बुरे हाल होतायेत. दरम्यान, पावासामुळे गर्मीपासून काहीसा दिलासा मिळण्याची शक्यता आहे.