Goa Crime Case: खोर्ली ओल्ड गोवा येथे एका परप्रांतीयाची हत्या झाल्याची खळबळजनक माहिती समोर येतेय. ही व्याकळती आसामची असून सध्या भाडेतत्वावर खोली घेऊन ते खोर्ली ओल्ड गोवा येथे राहत असल्याचे समजतेय.

घटनास्थळी पोलीस दाखल झाले असून एका संशयिताला ताब्यात घेतले असल्याची प्राथमिक माहिती समोर येतेय. या घटनेचा अधिक तपास सुरु आहे.

वर्षाचा शेवटचा दिवस खून, अपघात, चोऱ्या यांसारख्या घटनांमुळे गाजला असून खोर्ली येथे झालेल्या या प्रकारानंतर गोव्यात पुन्हा एकदा कायदा सुव्यवस्थेचा बोजवारा उडालेला दिसून येतोय.

सरत्या वर्षाला निरोप देण्यासाठी राज्यात देश-विदेशीचे पर्यटक दाखल झाले आहेत. त्यामुळे सध्या वाहनांची संख्याही वाढली असून वाहतूक कोंडी, रस्ते अपघातांसारखे प्रकार घडत आहेत.

कुंक्कळी आणि म्हापसा-शिवोली मार्गावर झालेल्या अपघातांमध्ये एकाचा मृत्यू झाल्याची दुर्दैवी घटना समोर आली आहे.

कळंगुट येथील समुद्रकिनाऱ्यावर बाटल्या फेकल्याच्या आरोपावरून पर्यटक आणि जीवरक्षकांमध्ये जोरदार वादावादी झाल्याचा प्रकारही रविवारी गोव्यात पाहायला मिळाला.

येणारे पर्यटक बेशिस्तपणे वागू लागल्यावर राज्यातील पोलीस यंत्रणा सतर्क राहून त्यांच्यावर कारवाई करत असल्याचे चित्रही काही ठिकाणी पाहायला मिळतेय.

एकूणच वर्षाचा शेवटचा दिवस गुन्ह्याच्या घटनांनी गाजला अशी सर्वसामान्यांनी प्रतिक्रिया दिलीय