पणजी: कोरोना महामारीच्या (Covid 19) संकटानंतर लागू केलेल्या लॉकडाऊनमुळे (Lockdown) कदंब (Kadamba) महामंडळाच्या आंतरराज्य बसेस (Interstate buses) बंद होत्या. त्यानंतर कर्नाटकात व गोव्यात (Goa) कोरोना नियंत्रणात आल्यानंतर कर्नाटकातील बसेस सुरु केल्या गेल्या. मात्र महाराष्ट्रात कोरोनाचे रुग्ण वाढू लागल्याने वरील दोन्ही राज्यातील विविध ठिकाणी ये जा करणाऱ्या कदंबच्या बसेस सुरु केल्या नव्हत्या. त्या आता हळूहळू सुरु होत आहेत.

कदंब महामंडळाने दिलेल्या माहितीनुसार सध्या कर्नाटकातील 11 मार्गावर व महाराष्ट्रातील 10 मार्गावर कदंबच्या बसेस धावत आहेत. वास्को, मडगाव व पणजी येथील बसस्थानकातून हा बसेस विविध शहराकडे ये जा करतात. महाराष्ट्रात जाणाऱ्या बसेस पुणे, बोरीवली, कोल्हापूर- पंढारपूर- सोलापूर, वेंगुर्ला ,सावंतवाडी, घोटगेवाडी या मार्गावरील सर्व बसेस सुरु झाल्या आहेत. तर कर्नाटकातील बेळगाव, मुद्देहाळ लोकापूर, बदामी, गुलबर्गा, विजापूर, बंगळुरु, कारवार, या शहरात बसेस सुरु झाल्या. हैद्राबाद येथे जाणारी कदंबची बसही सुरु झाली आहे.